web counter
LEXO PA REKLAMA!

SHKARKO APP

App Store
Google Play

Berisha “i tregon vendin” Ramës/ Laj gojën para se të flasësh për Behar Haxhiun

11 Maj 2023, 18:00, Politikë CNA
Berisha “i tregon vendin” Ramës/ Laj gojën para se të
Kryetari i Partisë Demokratike, Sali Berisha

Kryetari i Partisë Demokratike, Sali Berisha i është drejtuar me një mesazh kryeministrit Edi Rama, gjatë një takimi elektoral me kandidatin e koalicionit “Bashkë Fitojmë,” për Bashkinë Kurbin, Behar Haxhiu.

Duke iu përgjigjur akuzave të Ramës për kandidatin e opozitës, Berisha tha se kreu i qeverisë duhet të lajë gojën para se të përmendë Haxhiun. Ai deklaroi se kryeministri nuk ka të drejtë të flasë për kandidatët e tij.

“Do ta nis me një përshëndetje për Behar Haxhiun sepse që në hapat e parë të garës së tij, i kalli datën, i futi lepurin në bark njeriut që kalon nga sheshi në shesh me një fjalor të ngjashëm me të një halabaku, me një fjalor ordiner dhe mbeti duke e cituar Beharin, por tani dy fjalë do ja them këtu:

Edi, Behari është një njeri punëtor, të dy keni qeveritarë vendorë. Behari ka qeverisur shumë vite komunën e Milotit dhe ti nga partia jote bashkinë e Tiranës. Kur u largove nga Tirana, raporti i OSBE të akuzoi e zezë mbi të bardhë se ke vjedhur 200 milionë euro dhe i ke fshehur në llogaritë offshore.

Të lashë gojën ti kur të përmendësh Beharin.

Së dyti, të them të vërtetën nuk ke asnjë gojë, asnjë të drejtë të flasësh për një tjetër, të perifrazosh një fjalë që tha, se do ta marrin fjalën të tjerë që janë më të shkolluar. Shkollimi me kate është dhe është i pafund, por të garantoj që prej 32 vitesh, Behari nuk ka shkruar gjëra në pëllëmbë të dorës që ti lexosh si puna jote që vjen në parlament dhe shkon poshtë e përpjetë.

Prandaj i dashur Behar, të gjitha ato kanë vetëm një shpjegim. Frikën, tmerrin që ai ka, sepse ka bërë kërdinë me këtë zonjën këtu dhe tani e di, se ti do të ua nxjerrësh të gjitha defterët, të gjithë çkanë bërë, do i çosh, por unë jam i sigurtë se ti do të zbatosh ligjet, do të zbatosh detyrën tënde”, theksoi kryedemokrati./ CNA.al





Lajmet e fundit nga