web counter
LEXO PA REKLAMA!

SHKARKO APP

App Store
Google Play

E fundit!

x

Presidenti i Polonisë: Mbeshtesim integrimin e Shqipërisë në BE

11 Maj 2023, 12:43, Politikë CNA

Presidenti i Polonisë: Mbeshtesim integrimin e Shqipërisë në

Presidenti i Polonisë, Andrzej Duda, ka mbërritur sot në një vizitë zyrtare në Shqipëri. Ishte kreu i shtetit shqiptar, Bajram Begaj, ai që priti homologun e tij, ndërsa në nder të tij është organizuar një ceremoni zyrtare.

Gjatë konferencës së përbashkët, presidenti i Polonisë, Duda, u shpreh se mbështet Shqipërinë në rrugën e saj drejt anëtarësimit në BE.

Gjithashtu nënvizoi se marrëdhëniet mes dy vendeve janë forcuar, ne fushën e ekonomisë, shkëmbimeve tregtare dhe turizmit.

“Shpresojmë të kemi anëtarësim të shpejtë të vendeve të Ballkanit Perendimor. Edhe ne kemi bërë shumë sakrifica për t'u anëtarësuar në BE. Nuk kam dyshim që Shqipëria do të pranohet sa më shpejt në BE, prandaj e sigurova presidentin Begaj se do ta mbështesim në të gjitha pikat. Shqipëria do të forcojë lidhjet e saj ekonomike me BE-në. Sidomos në zhvillimin e infrastrukturës. Dihet të rrisim shkëmbimet tregtare. Gëzohem që edhe lëvizja turistike po rritet mes Shqipërisë dhe Polonisë.

Duda nuk harroi të përmendte edhe luftën Ukrainë- Rusi, duke u shprehur se agresioni rus duhet të përfundojë sa më parë.

“Territori duhet t'i kthehet Ukrainës, kështu duhet të jetë përfundimi i luftës, ju falënderojmë për praninë ushtarake në krahun lindor të NATO-s. Shqipëria është anëtar aktiv i NATO-s, sot ushtarët shqiptarë janë të pranishëm në Letoni, ju jemi shumë mirënjohës, ju luta zotit president që Shqipëria të mbështesë përpjekjet tona për të forcuar forcat”, tha presidenti i Polonisë.

 





Lajmet e fundit nga