web counter
LEXO PA REKLAMA!

SHKARKO APP

App Store
Google Play

Deklarata e Belerit për helenizimin e Himarës/ Meta: Lajm i shpikur nga “kuzhina” e Ramës

10 Maj 2023, 22:57, Politikë CNA
Deklarata e Belerit për helenizimin e Himarës/ Meta: Lajm i shpikur
Kreu i Partisë së Lirisë, Ilir Meta

Kreu i Partisë së Lirisë, Ilir Meta, ka folur në lidhje me deklaratën e kandidatit të koalicionit “Bashkë Fitojmë” për Himarën, Fredi Belerit se do të lehtësojë rrugën për helenizimin e Himarës.

Meta tha në emisionin e Blendi Fevziut se ky lajm nuk është i vërtetë dhe është i prodhuar nga zyrat e kryeministrit Edi Rama.

“Po ç’punë ka Edi Rama që ndërhyn në zgjedhjet në Mal të Zi. Ç’punë ka Edi Rama që ndërhyn në Turqi? Gabim e kanë edhe partitë greke që ndërhyjnë në Shqipëri. Ne kemi rastin e këtij tani. Ky është një lajm i shpikur nga “kuzhina” e Fugës dhe e Ramës sepse ai është i tmerruar që do ta humbasë Himarën siç është i tmerruar edhe për Sarandën.

Nuk ka çfarë i bën as Beleri e askush Himarës, përkundrazi, Beleri ka vetëm një detyrë. Të mbrojë pronat e gjithë himariotëve, që nga Petrit Vasili që është nga Vunoi. Kudo sepse Edi Rama nuk ka problem as helenizimin, se e dimë çfarë patrioti është Edi Rama. E dimë si e shkeli Gjykatën Kushtetuese për çështjen e detit me Greqinë. Ai ngaqë është i tmerruar nga humbja e Himarës, nga humbja e gjithë qarkut të Vlorës përfshirë edhe Sarandën ku ai del i treti…”, theksoi ai./ CNA.al





Lajmet e fundit nga