web counter
LEXO PA REKLAMA!

SHKARKO APP

App Store
Google Play

E fundit!

x

Berisha sfidon Ramën/ Je mashtrues, hajde votojmë nesër ligjin e rrogave dhe pensioneve

10 Maj 2023, 19:24, Politikë CNA
Berisha sfidon Ramën/ Je mashtrues, hajde votojmë nesër ligjin e
Kryetari i koalicionit “Bashkë Fitojmë”, Sali Berisha

Kryetari i koalicionit “Bashkë Fitojmë”, Sali Berisha, sfidoi nga Kavaja kryeministrin Edi Rama.

Gjatë një takimi elektoral me qytetarët, Berisha tha se Rama mashtroi qytetarët me premtimin për rritjen e pagave dhe të pensioneve, pasi mbylli Parlamentin.

Ai i kërkoi kreut të qeverisë të mbledhë nesër Parlamentin që të votojnë ligjin për rritjen e pagave dhe të pensioneve.

“Edi Rama bën gjithçka për të mashtruar qytetarët. U zotua se do bëjë rritje të madhe rrogash dhe pensionesh. Bëri një ligj, por e mbylli parlamentin.

E ftoj sërish nesër, hajde të votojmë ligjin e rrogave dhe pensioneve. Por ti je mashtrues.

Atë nuk e lidh asgjë me këtë komb dhe këtë popull. Ti je një pushtues i përçudnuar që mendon për miliardat e tua dhe të klientelës tënde.

Tërhiq atë ekip hajnash dhe kriminelësh që ke sjellë këtu me në krye Erion Veliajn.

Nuk ka burrë në moshë të Erion Veliajt që ka vjedhur sa ai. Një kryetar që thotë se mbolla 1 milionë fidanë, por vodhi faturën e 1 milion fidanëve.

Një hajdut që thotë se ndërtova 40 shkolla, ndërkohë që kur i numëron, ka ndërtuar 12 shkolla, por ka vjedhur fonde për 40 shkolla.

Erion Veliaj është një turp jo vetëm për rrugët e Tiranës, jo vetëm për rrugët e Kavajës, por është turp kudo që ecën. Dhe vjen këtu për të rrëmbyer votat e Kavajës.

Erion, larg duart nga Kavaja! Kavaja nuk shitet dhe nuk blihet kurrë.”, theksoi kreu i koalicionit “Bashkë Fitojmë”./ CNA.al





Lajmet e fundit nga