E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Lefter Maliqi fton në debat publik Çuçin/ Hedh dyshimet: Po kërcënohen votuesit

10 Maj 2023, 13:23, Politikë CNA

Lefter Maliqi

Lefter Maliqi ka reaguar pas arrestimit të K.A., i cili është arrestuar ditën e sotme, pasi u kap duke komunikuar për shitblerje të votave me një tjetër shtetas, i cili është nën hetim.

Maliqi është shprehur se është një shpifje e urdhëruar nga ministri i Brendshëm Bledi Çuçi.

Sipas tij, arrestimi i 52-vjeçarit, është kombinacion i metodave inskenuese të Policisë së Shtetit me urdhër të Çuçit, pasi Maliqi thotë se ky shtetas me origjinë nga Kuçova është votues i Partisë Socialiste me probleme shëndetësore dhe nuk ka lidhje as me Partinë e Lirisë dhe as me PD-në.

Nga ana tjetër, ka ftuar Çuçin në një debat televiziv për të treguar se si vartësit e tij po kërcënojnë votuesit.

“Përgënjeshtrim dhe shpifje e Policisë së Shtetit të urdhëruar nga Çuçi si drejtues i dështuar i Qarkut Berat.

Arrestimi i Kristo Agalliut është kombinacion i metodave inskenuese të Policisë së Shtetit me urdhër të Çuçit, pasi ky shtetas me origjinë nga Kuçova është votues i Partisë Socialiste me probleme shëndetësore dhe nuk ka lidhje as me Partinë e Lirisë dhe as me PD-në.

Ftoj kukullën Çuçi në debat televiziv t'i nxjerrë të gjitha provat! Si po kërcënojnë vartësit e tij votuesit! Si po përdor policinë natën në mbeshtetje të drejtorëve të Bashkisë që ndajnë ndihma, joshin natën votuesit duke fikur dritat nëpër lagjet e qytetit etj.

Uragani i fitores nuk ndalet! Çuç dështaku bashkë me kandidatin kukull Kreshnik Salillari pengun e oligarkut Pëllumb Hajdari do marrin ndëshkimin e merituar! Uragani popullor nuk ndalet! Kuçova i përket qytetarëve të majtë dhe të djathtë. Kuçova do të jetë 'Kantier Ndërtimi'!”, shkruan Maliqi në rrjetet sociale./ CNA.al