web counter
LEXO PA REKLAMA!

SHKARKO APP

App Store
Google Play

Berisha, thirrje nga Pogradeci/ Larg duart e zeza nga Driloni, nuk ka nevojë për beton

9 Maj 2023, 19:42, Politikë CNA
Berisha, thirrje nga Pogradeci/ Larg duart e zeza nga Driloni, nuk ka
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka bërë një thirrje të fortë nga Pogradeci, ku mbajti një takim elektoral me qytetarët.

Berisha tha se pushtetarët duhet të mbajnë larg duart nga Driloni, pasi theksoi se kjo mrekulli natyrore nuk ka nevojë për beton.

Ai deklaroi se Driloni ka nevojë të mos preket dhe të kalojë siç është mrekulli nga brezi në brez.

“Kudo që kaloj, gjej gjurmët e një regjimi që sillet si pushtues ndaj Shqipërisë. Isha dje në Sarandë dhe ju e dini, Saranda ka një nga parqet më mahnitëse mbi tokë. Butrinti është një mrekulli e jashtëzakonshme, edhe e civilizimit edhe natyrore. Çfarë bëri, Butrinti është kompleks, aq sa ka qytezën antike, po aq ka kepin e Stillos, biodiversitetin më të lartë në Europë, peizazhet dhe të gjitha.

Gjatë gjithë viteve në pushtet, fondacioni ‘Rotchild’ tregonte një kujdesje shumë të madhe që të mos i merrej parkut qoftë dhe një metër katror. Por çfarë ndodhi tani. Ndodhi copëtimi i parkut. Shkëputi qytezën nga pjesa më e ruajtur, zona më e mbrojtur dhe atë e mori për të ndërtuar hotele dhe pallate, Edi Rama.

Të njëjtën gjë po bën me Drilonin. Driloni është një mrekulli natyrore. UNESCO e regjistroi si një park natyror, si një pasuri të njerëzimit. Po çfarë do t’i bësh ti Drilonit more, Drilonin Zoti e ka bërë, natyra një mrekulli të veten. Larg duart e zeza nga Driloni. Nuk ka nevojë Driloni për betone, që të mbushës ti me Ilir Deçollin xhepat. Nuk ka nevojë Driloni. Driloni ka nevojë të mos preket, të mos preket, të mos preket dhe të kalojë siç është mrekulli nga brezi në brez”, theksoi ish-kryeministri./ CNA.al





Lajmet e fundit nga