web counter
LEXO PA REKLAMA!

SHKARKO APP

App Store
Google Play

E fundit!

x

Të dielën mbahen zgjedhjet vendore/ Qendra e Bashkëpunimit Ndërfetar, thirrje qytetarëve: Votoni!

9 Maj 2023, 15:19, Politikë CNA

Të dielën mbahen zgjedhjet vendore/ Qendra e Bashkëpunimit

Qendra e Bashkëpunimit Ndërfetar u ka bërë një thirrje të gjithë qytetarëve të Elbasanit dhe të gjithë Shqipërisë që të marrin pjesë në zgjedhjet e 14 majit.

Me anë të një deklarate, ajo thotë se zgjedhjet janë një moment i rëndësishëm për vendin tonë dhe janë një shans për të deklaruar pergjegjësinë qytetare.

Gjithashtu, me rastin e Ditës së Europës, Qendra e Bashkëpunimit Ndërfetar uroi të gjithë qytetarët shqiptarë për të qenë pjesë e vizionit europian.

“Me rastin e zgjedhjeve për Kryetar Bashkie në 14 /05/2023 ,Ne  Qendra e Bashkëpunimit Ndërfetar i bëjmë thirrje të gjithë qytetarëve të Elbasanit dhe të gjithë Shqipërisë që të marrin pjesë në këto zgjedhje të rëndësishme me vendosmëri, por gjithashtu me qetësi dhe në respekt të ligjit dhe të drejtave të qytetarëve.

Zgjedhjet janë një moment i rëndësishëm për vendin tonë dhe janë një shans për të deklaruar pergjegjësin qytetare. Kjo është arsyeja pse është shumë e rëndësishme që të gjithë të marrin pjesë në votim, në mënyrë që të jene pjese e vendimarrjes dhe të zgjedhin atë që ata mendojnë se është më e mira për qytetarët  dhe komunitetin e tyre.

Të dielën mbahen zgjedhjet vendore/ Qendra e Bashkëpunimit

Qendra falenderon partite politike Elbasanse për fushatën e qetë dhe qytetare si asnjëhere tjetër në qytet, megjithatë kjo fryme duhet te ruhet deri ne ditën e votimit. Të gjithë qytetarët   të respektojnë rregullat e votimit dhe të dhe të votojnë pa incidente. Ne jemi të bindur se, duke treguar përgjegjësi dhe kujdes, zgjedhjet mund të jenë një moment i rëndësishëm për t'u krenuar.

Në fund, me rastin e Ditës së Europës, ne në Qendrën e Bashkëpunimit Ndërfetar urojmë të gjithë qytetarët shqiptarë për të qenë pjesë e vizionit europian. Dita e Europës na kujton se jemi bashkë në një rrugëtim të përbashkët drejt zhvillimit dhe përparimit, ku bashkëpunimi dhe solidariteti janë çelësat e suksesit. Ne shpresojmë që Shqipëria shumë shpejt të bëhet pjesë e Bashkimit Europian.

Zoti e bekoftë Elbasanin!

Zoti e bekoftë Shqipërinë”, thuhet në deklaratë./ CNA.al





Lajmet e fundit nga