web counter
LEXO PA REKLAMA!

SHKARKO APP

App Store
Google Play

E fundit!

x

Thirrja e Ramës për shqiptarët në Turqi/ Berisha: Shkelje flagrante, e palejueshme

9 Maj 2023, 13:21, Politikë CNA
Thirrja e Ramës për shqiptarët në Turqi/ Berisha: Shkelje
Sali Berisha, ish-kryeministër

Drejtuesi i koalicionit “Bashkë Fitojmë”, Sali Berisha, ka komentuar deklaratën dhe thirrjen e kryeministrit Edi Rama, i cili iu drejtua komunitetit shqiptar në Turqi që të votojë Presidentin Rexhep Tayip Erdogan në zgjedhjet që do të mbahen të dielën.

Berisha tha se kjo është një shkelje flagrante e ligjit.

Ish-kryeministri nënvizoi se thirrja për të votuar Erdoganin vjen nga një armik i shqiptarëve, duke iu referuar kryeministrit Edi Rama.

“Në shkelje flagrante me ligjin u kërkon qytetarëve turq të votojnë për presidentin aktual.

Me këtë rast duke dënuar këtë ndërhyrje të pafalshme, të palejushme të një njeriu që nuk respekton asnjë ligj, asnjë normë kombëtare apo ndërkombëtare u rikujtoj komunitetit shqiptar në Turqi, duke i shprehur atij nderimin tim më të madh se njeriu që u bëri thirrje nga Tirana se, për kë duhet të votoni është një armik i vërtetë i lirive të qytetarëve shqiptarë, i votës së tyre, i pasurive të shqiptarëve, i ligjeve të vendit.

Edi Rama pasi ka përqendruar metodat më mafioze, duke vendosur të gjitha pushtetet në duart e tij ndërtoi në Shqipëri narkoshtetin e parë dhe të vetëm në Europë. Ai dhe administrata e tij kanë vjedhur dhe përvetësuar nga taksat e qytetërave shqiptarë, jo qindra, por miliarda euro kanë vjedhur dhe përvetësuar nga pasuritë publike miliarda e miliarda euro.

Me këtë vjedhje, më e madhja në 5 shekujt e fundit, Rama ia doli të vendosë me shpejtësi tiraninë e varfërisë”, tha Berisha./ CNA.al





Lajmet e fundit nga