web counter
LEXO PA REKLAMA!

SHKARKO APP

App Store
Google Play

Rama ankohet për bashkinë e drejtuar nga PD/ Shkodra na ka nxirë jetën

8 Maj 2023, 22:49, Politikë CNA
Rama ankohet për bashkinë e drejtuar nga PD/ Shkodra na ka nxirë
Kryeministri Edi Rama

Kryeministri Edi Rama është ankuar mbrëmjen e sotme për bashkinë e Shkodrës, e cila njihet si bastion i PD-së dhe drejtohet nga e djathta.

Rama tha në emisionin e Ylli Rakipit se kjo bashki ka qenë më problematikja dhe i ka nxirë jetën. Ai theksoi se për rrugët që kanë bërë në qarkun e Shkodrës, bashkia i ka vonuar punimet, pasi nuk merret me shpronësimet.

“Kemi mbjellë pemët në varreza, por është e qartë se Shkodra s’ka nevojë për pemë vetëm në varreza, ndërkohë që shembulli më tipik është se çfarë ka ndodhur me ne dhe bashkinë e Shkodrës kur jemi përpjekur për të punuar me të. Ne kemi bërë më shumë për Shkodrën se kemi bërë rrugën Shkodër-Velipojë, një investim që e prisnin nga dita e parë. Kemi bërë rrugën Shkodër-Theth, kemi nisur rrugën Shëngjin-Velipojë.

Tre akse strategjike për ekonominë dhe turizmin e Shkodrës dhe karakteristika e përbashkët për këto tre rrugë është se ‘na kanë nxirë jetën’. Në këto raste bashkia Shkodrës duhet të merret me procesin e shpronësimeve, dhe çfarë bën ajo, ajo ‘na ka nxirë jetën’, këto rrugë kanë marrë kohë më gjatë se çdo rrugë tjetër dhe sot aktualisht rruga Shëngjin-Velipojë nuk vazhdon sepse bashkia nuk merret me shpronësimet”, nënvizoi kreu i qeverisë./ CNA.al





Lajmet e fundit nga