web counter
LEXO PA REKLAMA!

SHKARKO APP

App Store
Google Play

Veliaj tallet me Bashën/ Luli i shkretë u lodh aq shumë sa iku në shtëpi

8 Maj 2023, 16:22, Politikë CNA
Veliaj tallet me Bashën/ Luli i shkretë u lodh aq shumë sa iku
Drejtuesi Politik i PS-së për Qarkun e Tiranës, Erion Veliaj

Drejtuesi Politik i PS-së për Qarkun e Tiranës, Erion Veliaj, është tallur me Lulzim Bashën gjatë një takimi që ka mbajtur në Kavajë, së bashku me kandidatin e PS-së për këtë bashki, Redjan Kralin.

Veliaj tha se kryetari i dorëhequr i PD-së, i cili rezulton ende kryetar në gjykatë dhe që nuk ka qenë aktiv në këtë fushatë elektorale, provoi të rrëzojë Edi Ramën. Ai deklaroi se Basha i shkretë u lodh aq shumë sa iku në shtëpi.

“Kam nevojë që ju të mbështesni Redin, që ta çojë Kavajën përpara në këto 4 vite. Duke çuar Kavajën përpara, të çojë edhe të gjitha këto biznese përpara. Mua më duket fyerje kur dikush thotë: ‘Na jepni Kavajën që të rrëzojmë Edi Ramën’. Së pari, e provoi Lul Basha i shkretë, aq shumë sa u lodh dhe iku në shtëpi. Pra, e provoi këtë histori me protesta. Sot kjo qeveri, në të gjitha sondazhet ka shumicë absolute. Përdorimi i qeverisë ose i bashkisë, si një instrument për të luftuar njeri-tjetrin, është diçka që nuk funksionon, se nuk ka funksionuar. Kur dikush thotë ma jepni Bashkinë se do rrëzojmë Edi Ramën, është një histori që bën një divorc mes atyre që duan të ndihmojnë dhe atyre që nuk duan të ndihmojnë”, deklaroi Veliaj./ CNA.al





Lajmet e fundit nga