web counter
LEXO PA REKLAMA!

SHKARKO APP

App Store
Google Play

E fundit!

x

Fabrika u shet kompanive asfalt në të zezë/ Këlliçi: SPAK dhe BKH duhet të ishin duke hetuar

8 Maj 2023, 09:18, Politikë CNA
Fabrika u shet kompanive asfalt në të zezë/ Këlliçi:
Kandidati i koalicionit “Bashkë Fitojmë”, Belind Këlliçi

Kandidati i koalicionit “Bashkë Fitojmë”, Belind Këlliçi, një ditë më parë ka bërë një denoncim, ku ka treguar se si një fabrikë e paligjshme në Krrabë, u shet në të zezë kompanive 60 mijë lekë tonin e asfaltit.  

Në një intervistë, Këlliçi është shprehur se ajo fabrikë është një vatër evazioni fiskal dhe nëse do të ekzistonte shteti ajo fabrikë do të ishte e rrethuar më shirit dhe SPAK-u dhe BKH-ja do të ishin atje për të hetuar.

“Është një vatër evazioni fiskal, nëse do të kishim shtet ajo fabrikë do të ishte e rrethuar me shirit. SPAK-u dhe BKH-ja duhet të ishin aty.

Bëra denoncimin, polici erdhi mori denoncimin dhe iku. Po përgatis kallëzimin për në SPAK.

Erion Rrapajn që shtron asfaltin elektoral do ta kallëzoj në SPAK.

Unë jam i vërtetë kur them që luftën ndaj korruspionit e kam pa etikë dhe tolerancën zero.

Ftoj çdo qytetar të ngrejë zërin”, është shprehur Këlliçi.

Ndër të tjera, ai ka nënvizuar se nuk do të lejojë më që policët e bashkisë t'u vendosin gjoba qytetarëve për të vendosur një derë apo dritare.

Këlliçi ka paralajmëruar se kush e bën do të përfundojë prapa hekurave.

“Kam dëgjuar se në fshat nuk rregullojnë dot kotecët e pulave pa leje, ndërsa vetë ndërtojnë kullat.

Drejtorët marrin 25 milionë euro.

Në fshat do të ketë prioritet. 

Kushdo që ka nevojë të ndërhyjë në shtëpinë e vet në mënyrë të ligjshme do jetë një proces disa sekondësh.

Vetëm një rast po të ndodhë, që policët u kërkojnë para, do të më çoni emrin as 24 sekonda nuk do të jetë më në punë.

Kush i prek qytetarët te prona do të shkojë në kokërr të burgut. Jam i vendosur”, tha Këlliçi./ CNA.al





Lajmet e fundit nga