Boçi paralajmëron Gledian Llatjan/ Ke shpifur për mua, do shihemi në gjykatë pas zgjedhjeve

7 Maj 2023, 16:54, Politikë CNA

Boçi paralajmëron Gledian Llatjan/ Ke shpifur për mua, do

Kandidati i koalicionit “Bashkë Fitojmë” për Elbasanin, Luçiano Boçi

Kandidati i koalicionit “Bashkë Fitojmë” për Elbasanin, Luçiano Boçi, i është përgjigjur sulmeve të kryebashkiakut të këtij qyteti, Gledian Llatjas.

Me anë të një statusi në rrjetet sociale, Boçi deklaron se Llatja e ka sulmuar pasi nuk ka ide dhe program.

Kandidati i opozitës shprehet se nuk është faji i tij që Elbasani ndodhet në gjendje të dëshpëruar dhe paralajmëron se me kryebashkjiakun socialist do të përballet në gjykatë pas zgjedhjeve për shpifjet që pretendon se ka thënë ky i fundit.

“Të mos kesh program, të mos kesh ide, të mos kesh as aftësi për t’a fshehur këtë fakt – është një gjë që ka ndodhur shpesh në politikën shqiptare. Por të sulmosh kundërshtarin pse ti nuk ke ide, as program – është papërgjegjshmëri e plotë.

Foto e publikuar nga Boçi

Nuk ja kam fajin unë G. Llatjes pse Elbasani është në këtë gjendje të dëshpëruar, ku ndodhet.

Nuk ja kam fajin unë pse dikush e ka rikandiduar duke e vënë në siklet të madh: tani G. Llatja duhet të përgjigjet për gjithçka që nuk ka bërë.

Unë nuk jam marrë me G. Llatjen. Hiq rastin kur nja dy herë e kam ftuar në debat të drejtpërdrejtë. Por ai nuk ka leje që të flasë as në aktivitetet e fushatës së tij. As atë letër kundër meje G. Llatja nuk e ka shkruar vetë.

Hartimi i dobët që ai nxori në FB është një gënjeshtër e gjatë e mbushur me shpifje të ulta. Disa prej këtyre shpifjeve – G. Llatja do të duhet t’i mbrojë në gjykatë, menjëherë pas zgjedhjeve.

Po ashtu, ai do të përgjigjet për të gjithë flamujt e kuq të tenderave që ka organizuar në këto vite.

Për gjithçka tjetër, përgjigja e datës 14 maj do t’i mjaftojë G. Llatjes dhe atyre që e keqpërdorin atë. Atë ditë ata do të mësojnë se respekti nuk blihet.

Luçiano Boçi, qytetar krenar i Elbasanit - nuk e ka tradhëtuar kurrë dhe nuk ka ndërmend ta tradhëtojë të vërtetën!

E vërteta është fytyra ime, është dinjiteti im, është integriteti dhe guximi im!

Sa për G. Llatjen: Breshkat mund t’i lëshosh edhe në autostradë… Prapë breshka mbeten”, shkruan Boçi./ CNA.al

Boçi paralajmëron Gledian Llatjan/ Ke shpifur për mua, do