web counter
LEXO PA REKLAMA!

SHKARKO APP

App Store
Google Play

Ironia e Astrit Patozit: Secili ka mbretin e vet! Shqiptarët më superiorë se britanikët

6 Maj 2023, 17:19, Politikë CNA
Ironia e Astrit Patozit: Secili ka mbretin e vet! Shqiptarët më
Ish-koordinatori i Bindjes Demokratike, Astrit Patozi

Ish-koordinatori i Bindjes Demokratike, Astrit Patozi ka ironizuar raportimin në mediat shqiptare të ceremonisë së Mbretit Charles.

Me anë të një statusi në rrjetet sociale, Patozi thotë se britanikët dhe shqiptarët do t'i kurorëzojnë mbretërit e tyre në të njëjtën ditë, duke iu referuar këngëtarit Luiz Ejlli.

Ai shprehet se shqiptarët kanë arsye për tu ndjerë më superiorë, pasi e zgjedhin vetë mbretin dhe nuk janë të detyruar të pranojnë trashëgimtarin.

“Fati e ka sjellë që britanikët dhe shqiptarët t'i kurorëzojnë mbretërit e tyre në të njëjtën ditë.

Ha debat se kush prej popujve është më i lumtur për monarkun e vet, ndërkohë që ende nuk dihet se cila prej ceremonive do të meritojë të jetë më e gjata, më e ndjekura dhe mëdhështorja. Për faktin e thjeshtë se nuk zhvillohen të dyja në të njëjtën orë.

Ajo që dihet me siguri është se ne shqiptarët kemi arsye shumë të forta për t'u ndjerë superiorë.

Sepse britanikët janë të detyruar të pranojnë trashëgimtarin, që u bie në pjesë, kurse ne e zgjedhim vetë mbretin tonë.

God save the King!", shkruan Patozi./ CNA.al





Lajmet e fundit nga