web counter
LEXO PA REKLAMA!

SHKARKO APP

App Store
Google Play

E fundit!

x

Gazetari kritikon sondazhin për kandidatët e Tiranës: Tallava

5 Maj 2023, 23:03, Politikë CNA

Gazetari kritikon sondazhin për kandidatët e Tiranës: Tallava

Gazetari Hysni Gurra ka kritkuar ashpër sondazhin nga Euronews Albania i cili lidhje me kandidatët e zgjedhjeve të 14 majit në Tiranë.

Gurra në nëpërmjet një statusi në rrjete sociale e ka cilësuar sondazhin se “Kë do zgjidhje për menaxher të kompanisë tënde Veliajn apo Këlliçin”, si tallava dhe ndër të tjera ka  shpjeguar arsyet pse është i tillë.

Së pari ai ka shpjeguar se një qytetar i zakonshëm nuk do të ishte i tillë nëse do dinte të mendonte si biznesmen.

Së dyti ai shkruan se shqiptari nëse ka një biznes nuk merr as Veliajn, as Këlliçin menaxher.

“Ngrihet një pyetje për qytetarët e zakonshëm:

Kë do zgjidhje për menaxher të kompanisë tënde Veliajn apo Këlliçin?

Edhe del sipas tallava-sondazhit Veliaj, kuptohet.

Tani: E para njëherë, një qytetar i zakonshëm nuk do ishte i “zakonshëm” nëse do dinte të mendonte si biznesmen që ka një kompani, që asaj kompanisë i duhet një menaxher e më-the-të-thashë. Do ta kishte bërë biznesin po të mendonte ashtu.

E dyta, shqiptari nëse ka një biznes nuk merr as Veliajn, as Këlliçin menaxher, por merr vëllain, motrën, kushëririn, kunatin, krushkun etj. Kjo është e provuar, sepse është mentalitet. Të gjithë biznesmenët e mëdhenj (që ju i quani oligarkë) kanë për menaxherë vëllain, motrën, kunatin…

Se të ishte ndryshe Shqipëria do ishte vend pak më i zhvilluar e më demokratik nuk do ishte ku thërret qameti”, shkruan ai./CNA.al

 





Lajmet e fundit nga