web counter
LEXO PA REKLAMA!

SHKARKO APP

App Store
Google Play

Fitorja e Këlliçit, e pakthyeshme/ Berisha: Ka elektrizuar Tiranën me programin e tij

5 Maj 2023, 22:03, Politikë CNA
Fitorja e Këlliçit, e pakthyeshme/ Berisha: Ka elektrizuar
Kreu i koalicionit “Bashkë Fitojmë”, Sali Berisha

Kreu i koalicionit “Bashkë Fitojmë”, Sali Berisha ka deklaruar se programi elektoral i kandidatit për Tiranën, Belind Këlliçin ka elektrizuar gjithë kryeqytetin.

Duke përmednur disa nga pikat më të forta të programit të Këlliçi si transporti publik falas dhe nënkalimi në sheshin “Skënderbej”, Berisha është shprehur se nuk ka asnjë premtim të Këlliçit që është jashtë interesave të qyetarëve.

“Mua më intereson që Belind Këllici të marrë Tiranën dhe Tirana të ndryshojë. Fushata e kandidatëve do të jetë për qytetarin, ata nuk do të merren me politikë ata do merren me qytetarin politikën do të merrem vetë dhe kjo është një ndarje racionale dhe e ndershme. Çfarë po bëjnë dhe bëjnë këta kandidatë? . Belind Këlliçi ka elektrizuar Tiranën me programin. Kelliçi ka elektrizuar Tiranën me premtime tranporti falas, nënkalimi në sheshin Skënderbej. Ka premtuar përgjysmimin e taksës, heqjen e taksës së arsimit, rikthimin e ujit në çmimin që ka qenë. Nuk ka asnjë premtim jashtë interesave reale të qytetarëve të Tiranës”, shtoi Berisha.

Ndër të tjera, ish-kryeministri tha se fitorja e Belind Këlliçit në Tiranë është e pakthyeshme, sipas sondazheve të zhvilluara deri më tani.

"Në pollin më serioz që ne kemi, diferenca është e pakthyeshme: fitimtare për Belind Këlliçin dhe fatale për Erion Veliajn. Këlliçi ecën i sigurt drejt fitores. Është sondazh i brendshëm, por shumë i vlefshëm. Para 10 ditësh, u botua një poll tjetër ku pashë se pëlqyeshmëria për Belind Këlliçin kishte mbërritur në 47,8%. Të garantoj që çdo person me këtë nivel pëlqyeshmëria ka shkallën më të lartë të fitores”, u shpreh ai./CNA.al

 

 

 

 

 





Lajmet e fundit nga