E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Kandidatja e Lulit kërkon të ikin këshilltarët e Alibashës

6 Maj 2023, 20:56, Politikë CNA

Kandidatja e Lulit kërkon të ikin këshilltarët e

Ledina Aliolli

Ledina Aliolli, kandidatja e Lulzim Bashës, dalë në primaret e Sali Berishës pas një skeme të gjerë manipulimi, sot ka reaguar zyrtarisht duke nxjerrë një deklaratë në emër të koalicionit “Bashkë Fitojmë".

Aliolli kërkon që të largohen kandidatët e Alibashës për këshilltarë bashkie në Korçë.

Ajo shprehet se Alibashës i janë dorëhequr kandidatët për këshilltarë, por KQZ po shkel ligjin duke mos pranuar dorëheqjet e tyre.

Aliolli deklaron se Enkelejd Alibeaj ka ndryshuar listën e kandidatëve për këshillin bashkiak, por thekson se kjo gjë nuk duhet lejuar dhe Alibeaj nuk duhet të mbajë takim elektoral në Korçë.

Reagimi i plotë:

Skandali i radhës, KZQ në shërbim total të Alibashës.

Nesër Alibeaj njofton se do të jetë në Korçë për të prezantuar kandidatët për Këshillin Bashkiak.

Cilët kandidatë, pasi nga 41 kandidatë 38 kanë dhënë doreheqjet me shkrim, publikisht dhe pranë KQZ.

Natën e 27 marsit, ora 24:00, PD e Alibeajt dorëzoi në KQZ listën e Këshilltarëve të Korçës, duke ndryshuar renditjen që kishte bërë kandidati Gjata. Shkak ky për dorëheqjen e tij, si dhe të 38 këshilltarëve.

Në KZQ mbeti e dorëzuar zyrtarisht lista e ndryshuar dhe e depozituar më 24.03.2023. Kjo listë nuk mund të ndryshohej më.

Por ndodhemi për përpara këtij skandali:

1. Dorëheqja e kandidatit Gjata u pranua.

2. Dorëheqja e Kandidatëve për këshilltarë nuk u pranua dhe KQZ pranoi listën e ndryshuar.

3. PD e Alibeajt ka bërë një ndryshim total të listës së kandidatëve për Këshillin, duke hequr nga lista tërësisht shumë emra dhe duke i zëvendësuar ata me emra të tjerë.

Të gjitha këto pas mbylljes së afatit zyrtar.

Çfarë listë dhe cilët këshilltarë do të prezantojë nesër Alibeaj në Korçë? Ata të dorëhequrit?

Ata që i ka ndryshuar pas datës që parashikonte ligji elektoral?

Këto shkelje flagrante të ligjit duhet të shkojnë pranë organeve të drejtësisë dhe të ndëshkohen drejtuesit politikë të partisë së Alibashës, por edhe të dalë në pah skandali i KQZ-së që është vënë në funksion të PD Alibeaj.

Si më poshtë po ju dërgoj listën e dorëzuar nga PD Alibeaj në KQZ më 27.03.2023.

Listën përfundimtare të ndryshuar, shumë pas kësaj date, si dhe disa foto personash të dorëhequr që figurojnë ende në listën e PD së Alibeajt.

Kandidatët që kanë dhënë dorëheqje kërkojnë konsulentë ligjore si t'i drejtohen organeve ankimore dhe atyre të prokurorisë, teksa është një vepër penale dhe shkelje e të drejtave të tyre të zgjidhen dhe zgjedhin.

Duhet bërë mediatike që ta marrë vesh Ambasada Amerikane që Celibashi e ka Han pa porta KQZ-në./ CNA.al