web counter
LEXO PA REKLAMA!

SHKARKO APP

App Store
Google Play

Socialistët, në panik në Sarandë/ I kërkojnë tërheqjen kandidatit të pavarur

6 Maj 2023, 18:35, Politikë CNA
Socialistët, në panik në Sarandë/ I kërkojnë
Kryeministri Edi Rama

Socialistët duket se kanë hyrë në panik për zgjedhjet vendore në bashkinë e Sarandës.

Kjo pasi, kryeministri Edi Rama kërkoi sot tërheqjen nga gara për kryetar bashkie të kandidatit të pavarur, Gjergji Mërkurit.

Gjatë një takimi me qytetarët, Rama tha se Mërkuri nuk duhet t’i bjeri në qafë Partisë Socialiste, pavarësisht se pranoi se kjo e fundit i ka rënë në qafë atij.

Kreu i qeverisë deklaroi se kandidimi i Mërkurit gëzon opozitën, ndaj theksoi se ai duhet të tërhiqet nga gara dhe të rikthehet në PS pasi të përfundojnë zgjedhjet.

“Kam dy fjalë për Gjergji Mërkurin. Gjergji Mërkuri është një djalë idealist, është një djalë i ndershëm, është një njeri i drejtë dhe Gjergji Mërkurit Partia Socialiste këtu i ka rënë në qafë.

I kanë rënë në qafë dhe kanë bërë një gabim shumë të madh. Por kjo nuk është arsye për tu çuar dhe për të dalë matanë rrugës për të kërkuar vota që i bëjnë dëm Partisë Socialiste në këtë betejë. Nuk ka asnjë këtu që është në këtë shesh që nuk e do kthimin mbrapa dhe që është dakord me atë që po bën Gjergji. Hatërmbetja nuk është këshilltarë i mirë dhe aq më pak pastaj dalja në anën tjetër të rrugës, pavarësisht se të kanë rënë në qafë.

Por tani Gjergji nuk duhet t’i bjeri në qafë Partisë Socialiste, të gjithë atyre që janë këtu që nuk gëzohen më atë çfarë po bën Gjergji, janë ata të tjerët që gëzohet me këtë që po bën Gjergji. Tani unë Gjergjit do t’i kërkoj që të paktën ta ulë pak kokën e Piluriotit dhe ta mbyllë fushatën.

Ta mbyllë fushatën dhe të presë përfundimin e fushatës më 14 maj, të presë fitoren e Oltit dhe Partisë Socialiste dhe më pas të rikthehet në PS, të ulemi në tavolinë, t’i diskutojmë gjërat, ata që i kanë rënë në qafë të pranojnë fajin që kanë bërë, Gjergji të pranojë fajin e tij dhe të bashkohemi dhe të vazhdojmë pëpara”, theksoi Rama./ CNA.al





Lajmet e fundit nga