web counter
LEXO PA REKLAMA!

SHKARKO APP

App Store
Google Play

E fundit!

x

Rama i kërkoi të tërhiqet nga gara/ Ironizon Mërkuri: Nuk ka kthim mbrapa, vetëm përpara

6 Maj 2023, 19:09, Politikë CNA
Rama i kërkoi të tërhiqet nga gara/ Ironizon Mërkuri: Nuk ka
Kandidati i pavarur për Sarandën, Gjergji Mërkuri

Gjatë një takimi elektoral, kryeministri Edi Rama i kërkoi kandidatit të pavarur të Sarandës, Gjergji Mërkuri që të tërhiqet nga gara, duke nënkuptuar kështu se socialistët kanë hyrë në panik.

Një reagim për këtë thirrje ka ardhur sot nga Mërkuri, i cili  i është përgjigjur negativisht thirrjes së kryeministrit për tërheqjen e tij nga gara elektorale.

Me anë të një statusi në rrjetet sociale, kandidati ironizon ftesën e Ramës, duke përdorur sloganin e PS-së: “Nuk ka kthim mbrapa, vetëm përpara”.

“Të dashur miq, slogani ynë i kësaj fushate elektorale për Bashkinë e Sarandës “Vendosin qytetarët, jo partitë”, bëri të kuptojnë qartë të gjithë aktorët politikë fitoren tonë në 14 maj. Ne jemi të bashkuar dhe me një ambicie të vetme, që në 14 maj të triumfojë qytetaria. Ne jemi futur në këtë garë që të fitojmë dhe ta çojmë Sarandën në një fazë tjetër zhvillimi, duke u bazuar në dashurinë që kemi për këtë qytet ku ushtrojmë aktivitetet tona jetësore të përditshme.

Ditën e djeshme Saranda u vizitua nga kryeministri i Shqipërisë, Z. Edi Rama, duke dëgjuar fjalët e mira në adresën time dhe kërkesën e tij, ne si qytetarë i përgjigjemi me sloganin e tij të fushatës elektorale:

“Nuk ka kthim mbrapa, vetëm përpara”.

Teksa na ndajnë dhe një javë nga data zgjedhjeve unë informoj të gjithë bashkëqytetarët e mi se fushata jonë vazhdon intensivisht dhe këtë javë. Ne do të jemi kudo, do të flasim me çdo qytetar që e do Sarandën, të majtë dhe të djathtë qofshin. Kjo nuk është një betejë poltike, kjo është një betejë për Sarandën dhe qytetarët do të triumfojnë në 14 maj.

Ndaj këtë javë ftoj çdo mbështetës dhe simpatizantë, të flasë me këdo që mundet, të përcjellë mesazhin në çdo cep të qytetit, të unifikojmë forcat, pasi nga fitorja na ndan vetëm një javë. Vendosin qytetarët, jo partitë”, shkruan Mërkuri./ CNA.al





Lajmet e fundit nga