web counter
LEXO PA REKLAMA!

SHKARKO APP

App Store
Google Play

E fundit!

x

Veliaj, fushatë me martesën e Luizit dhe Kiarës/ Në fund të javës kemi edhe dasmën e Redit

7 Maj 2023, 16:13, Politikë CNA
Veliaj, fushatë me martesën e Luizit dhe Kiarës/ Në fund
Drejtuesi politik i PS-së për Qarkun e Tiranës, Erion Veliaj

Drejtuesi politik i PS-së për Qarkun e Tiranës, Erion Veliaj, mbajti një takim elektoral në Kavajë, me kryetarin e kësaj bashkie, Redjan Krali.

Pasi bëri "show" politik duke celebruar Luiz Ejllin dhe Kiara Titon, Veliaj e përmendi dasmën e tyre në takimin elektoral.

Ai tha se pasi kreu dasmën e dy konkurrentëve të “Big Brother VIPv2”, do të bëjë dasmën e Redian Kralit. Kryebashkiaku i Tiranës u shpreh se Kralin do ta martojë në fund të javës tjetër, duke iu referuar zgjedhjeve vendore të 14 majit.

Veliaj ftoi banorët e Kavajës që të marrin pjesë në zgjedhje dhe t’ja japin votën kanditatit të PS-së për Kavajën.

“Kishim dy dasma në plan këtë vit. Dasmën e parë, atë të Luizit dhe Kiarës e kryem. Tani kemi dasmën e Redit, në fund të javës tjetër. Jeni të gjithë të ftuar! Dhëndrin e kemi, nusen e kemi, është Kavaja jonë dhe ne duam që të shkojmë aty, tamam si në gëzim, si në festë, si në një bashkim të madh. Ju falënderoj me gjithë zemër! Do të doja shumë që këtë fundjavë, më shumë se të interesohemi për partitë, të interesohemi për vogëlushët tanë. Nëse këta vogëlushë e kanë qytetin më të pastër, atëherë e dimë si do shkojë 14 maji!

Nëse këta vogëlushë kanë më shumë hapësira si ‘Meteor’ për të luajtur dhe sheshe pa makina, atëherë e dimë cili është drejtimi i duhur. Nëse këta vogëlushë, falë punës së Redit dhe skuadrës së Bashkisë së Kavajës, kanë çerdhe, kopshte, shkolla, më shumë gjelbërim, më shumë hapësira, më shumë pemë e kënde lodrash, atëherë ju them të gjithëve: Votoni për fëmijët tuaj, jo për partitë! Votoni për familjet tuaja, që ta çojmë gjithnjë e më përpara Kavajën dhe Golemin tonë! Ju falënderoj të gjithëve nga zemra”, u shpreh ai.

Kështu kryebashkiaku i Tiranës ka vijuar të bëjë fushatë dhe “show” politik me celebrimin e Luizit dhe Kiarës, i cili në fakt nuk ka asnjë vlerë, pasi në listën e zgjedhësve, Luiz Ejlli rezulton se është banues në Shkodër.

Celebrimi bëhet në bashkinë ku banon dhe në këtë mënyrë martesa e tyre është e pavlefshme./ CNA.al





Lajmet e fundit nga