Martesa Luiz-Kiara s’ka asnjë vlerë/ Ngatërruan bashkinë

7 Maj 2023, 08:25, Aktualitet CNA

Martesa Luiz-Kiara s’ka asnjë vlerë/ Ngatërruan

Këngëtari Luiz Ejlli dhe moderatorja Kiara Tito, gjatë spektaklit të mbrëmjes finale të “Big Brother VIP” kurorëzuan lidhjen e tyre 4-mujore në martesë.

Ceremonia u krye në bashkinë e kryeqytetit, ku Veliaj pas mesnate celebroi çiftin në martesë në prani të disa familjarëve.

Por ajo që kishte rezervuar televizioni i inceneratorëve ishte një propagandë e radhës për kreun e bashkisë, Erion Veliaj, në prag zgjedhjesh, pasi martesa që celebroi Veliaj është e pavlefshme, pra s’ka asnjë vlerë ligjore.

Sipas listës së zgjedhësve, këngëtari Luiz Ejlli rezulton se është banues në Shkodër.

Për këtë arsye martesa është e pavlefshme pasi celebrimi kryhet në bashkinë ku banon, ndërkohë në ekranin e inceneratorëve, u rezervua një tjetër "show" për t'u hedhur hi syve shqiptarëve.

Nuk u firmos asnjë dokument ç’ka e lë martesën thjesht në një "show" politik dhe jo celebrim zyrtar.

Martesa Luiz-Kiara s’ka asnjë vlerë/ Ngatërruan

E gjitha skema duket se ka qenë politike për të shmangur Bashkinë e Shkodrës si bashki e djathtë.

Kujtojmë se pak kohë më parë, Luiz Ejlli rrëfeu se në momentet më të vështira të jetës së tij, ai që i ka zgjatur dorën ishte ish-kandidati socialist për Bashkinë Shkodër, Benet Beci.

Një tjetër detaj për të cilin foli Ejlli ishte licenca e noterit, për të cilën tha se i është hequr në mënyrë të padrejtë, ndërkohë që CNA zbuloi me dokumente se prej vitesh Ejlli nuk kishte ushtruar profesionin e tij.

Gjithçka është konfirmuar në disa rrugë, nga posta, nga inspektimi i Ministrisë së Drejtësisë, nga bashkëpunimi me Zyrën Vendore të Noterëve në Tiranë e kështu me radhë.

Pra, Luiz Ejllit nuk i është hequr licenca e noterit për arsye politike apo për ndonjë arsye tjetër se ishte shumë i zoti.

Në fakt, licenca i është hequr, sepse nuk punonte, nuk ushtronte aktivitetin, sipas të dhënave në QKB, rezulton edhe se aktiviteti i tij ishte i hapur në vitin 2020, por sipas regjistrit të noterëve ku mblidhen, regjistrohen të gjitha aktet noteriale, Luiz Ejlli nuk ushtronte aktivitetin e tij nga maji i vitit 2018.

Luiz Ejlli gënjeu publikisht, në “Top Channel” për licencën e tij të noterit, sepse atij nuk i është hequr licenca politikisht apo në mënyrë të gabuar apo me tendencë. Atij i është hequr licenca pasi e kishte braktisur detyrën e noterit.

Është fakt i vërtetuar nga kontrolle dhe inspektime se Luiz Ejlli kishte gati tri vite që nuk ushtronte detyrën e noterit deri në momentin që ministrja Etilda Gjonaj ka firmosur heqjen e licencës së Luizit./ CNA.al