web counter
LEXO PA REKLAMA!

SHKARKO APP

App Store
Google Play

Berisha, akuza Oltion Çaçit/ Kandidati i pallateve do lejojë oligarkët të ndërtojnë te varrezat

8 Maj 2023, 19:10, Politikë CNA
Berisha, akuza Oltion Çaçit/ Kandidati i pallateve do lejojë
Kryetari i koalicionit “Bashkë Fitojmë”, Sali Berisha

Kryetari i koalicionit “Bashkë Fitojmë”, Sali Berisha, ka hedhur akuza ndaj kandidatit të PS-së për Sarandën, Oltion Çaçit, gjatë një takimi elektoral që është duke mbajtur me qytetarët.

Berisha tha se Çaçin nuk e lidh asgjë tjetër me Sarandën përveç pallateve të familjes së tij.

Ai e cilësoi kandidatin e PS-së si kandidatin e pallateve që do të lejojë oligarkët të ndërtojnë mbi varreza.

“Le të ndalemi për një moment tek kandidatët e krahut tjetër. Ata janë kandidatë të një njeriu, janë kandidatë të Edi Ramës, janë kandidatë të xhepit të tyre, janë kandidatë që nuk kanë lidhje absolutisht me qytetarët. Ngrihet tjetri nga Durrësi, vjen këtu, i deleguari personal i famëziut, Alket Hyseni. Alketin e hoqën vetë socialistët, e përzunë për ato që bëri.

Tani gjeti këtë tjetrin, Çaçin i cili vjen tek trashëgimnia e prindërve, tek pallatet, pra ky është kandidat pallati. Çfarë e lidh me Sarandën, përveç pallateve të familjes së tij, përveç zotimit makabër që do të kërrejë eshtrat nga varret e Sarandës, sepse duhet që oligarkët të ndërtojnë aty. A mund të vijë një kandidat për një mision të tillë në një qytet, vjen vetëm përfaqësuesi i mafias”, theksoi ish-kryeministri./ CNA.al





Lajmet e fundit nga