web counter
LEXO PA REKLAMA!

SHKARKO APP

App Store
Google Play

E fundit!

x

Rama, “shigjeton” kandidatët e opozitës/ “Faqja më e zezë ndër shqiptarë”

8 Maj 2023, 16:54, Politikë CNA
Rama, “shigjeton” kandidatët e opozitës/ “Faqja
Kryeministri Edi Rama

Kryeministri Edi Rama ka “shigjetuar” kandidatët e opozitës gjatë një takimi elektoral që mbajti në kuadër të zgjedhjeve vendore.

Rama tha se kandidatët e tij nuk janë “të rënë nga qielli” dhe as të përsosur, por pretendon se kandidatët e opozitës janë faqja më e zezë ndër shqiptarë.

“Kemi bërë shumë punë, por nuk jemi krenarë për çdo gjë që kemi bërë. Por, një qeveri, në radhë të parë duhet të mbrojë njerëzit e vet kur mbi ta vijnë gjëra të paparashikuara dhe ne kemi mbrojtur çdo familje që u prek nga tërmeti, kemi mbrojtur çdo familje që u prek nga pandemia, po mbrojmë edhe tek faturat e energjisë. Fatura juaj nuk tregon çmimin e vërtetë, pikërisht që kriza e çmimit të energjisë, që mos të vijë në shtëpinë tuaj. Unë jam shumë krenar në radhë të parë për këtë. Kjo qeveri ia ka ngritur dinjitetin Shqipërisë në arenën ndërkombëtare. Një qeveri, e cila sot e ka ulur Shqipërinë në tryezën e Këshillit të Sigurimit në OKB. Kjo kthesë ekonomike është pikërisht, te këto fakte.

Në 14 është një zgjedhje më e qartë se kurrë ndonjëherë. Nga njëra anë është PS me kandidatët e saj. Asnjë nga kandidatët tanë ‘nuk ka rënë nga qielli’, asnjë nuk është i përsosur, por ama kandidatët e tyre janë faqja më e zezë ndër shqiptarë. Janë kandidatët e faqes së zezë të atyre të dyve që i kanë marrë dhe i kanë vënë për t’u turrur nëpër bashkitë e vendit dhe për të marrë peng këdo që mund të marrin peng. Janë kandidatët e faqes së zezë të një gërdalle 80-vjeçare”, u shpreh kreu i qeverisë./ CNA.al





Lajmet e fundit nga