web counter
LEXO PA REKLAMA!

SHKARKO APP

App Store
Google Play

“Ça flet mo, ça flet?!”/ Investimet e huaja “përplasin” Ramën me Sejaminin: Je ofendues

8 Maj 2023, 22:10, Politikë CNA

“Ça flet mo, ça flet?!”/ Investimet e huaja

Kryeministri Edi Rama është “përplasur” mbrëmjen e sotme me analistin Neritan Sejamini në lidhje me investimet e huaja në Shqipëri.

Rama tha se investimet e huaja janë në maksimume historike, ndërsa Sejamini e kundërshtoi, gjë që u pasua me debat.

Kreu i qeverisë u shpreh se analisti është ofendues në mënyrën se si flet, ndërkohë që ky i fundit e akuzonte se nuk ka fakte për deklaratat që bën.

Pjesë nga debati:

Edi Rama: Si flitet kështu? Investimet janë në maksimume historike.

Neritan Sejamini: Janë kompani të huaja që kanë qenë, ose kompani shqiptare të regjistruara jashtë. Ka kompani të huaja këtu përveç SHELL?

Edi Rama: Si flisni kështu? Kjo është një gjuhë që nuk e di çfarë të them. Vetëm gjuhë faktesh nuk është. Sigurisht SHELL, nuk ka filluar të ekzistojë pasi ekzistoi partia jote. Flet në emër të asaj qeverie ti, sepse ke qenë këshilltar dhe flet në emër të Saliut.

Neritan Sejamini: Nëse ke gjë me fakte, nuk ka kuptim të thuash si flas unë.

Edi Rama: Ti je ofendues në mënyrën si flet. Je ofendues. Po mirë, po kontratat e reja të SHELL? Je i painformuar.

Neritan Sejamini: Cili është një investitor i huaj që ka ardhur në Shqipëri me qeverisjen tuaj?

Edi Rama: SHELL ka kërkuar të bëjë kontrata të reja.

Neritan Sejamini: Vazhdim i investimit…

Edi Rama: Kompanitë që nga Mercedesi deri te kompania koreane apo kompania japoneze, deri të Lufthansa që ka 400 të punësuar. Po të marr këto, por ka shumë të tjerë.

Neritan Sejamini: Sa është vlera?

Edi Rama: Më pyete për kompani dhe po ti them. Voltalia çfarë është? Kompani e madhe franceze.

Neritan Sejamini: Tenderim i Shqipërisë.

Edi Rama: Ça flet mo, ça flet?!/ CNA.al





Lajmet e fundit nga