web counter
LEXO PA REKLAMA!

SHKARKO APP

App Store
Google Play

“Tregu në Farkë nuk ka përfunduar”/ Silvi Bardhi: Veliaj ka nxjerrë 700 mijë euro nga taksat e qytetarëve

9 Maj 2023, 12:38, Politikë CNA
“Tregu në Farkë nuk ka përfunduar”/ Silvi Bardhi:
Silvi Bardhi

Zëdhënësja e fushatës së kandidatit të koalicionit “Bashkë Fitojmë” për Tiranën, Silvi Bardhi, ka hedhur akuza ndaj kreut të bashkisë, Erion Veliaj, në lidhje me tregun e ri në Farkë, i cili u inaugurua një ditë më parë.

Gjatë një deklarate për mediat, Silvi Bardhi u shpreh se nuk janë respektuar afatet për hapjen e tij pasi tregu duhet të ishte funksional që prej vitit të shkuar.

Gjithashtu ajo thekson se ky treg nuk ka përfunduar, dhe Erion Veliaj ka nxjerrë sërish 700 mijë euro nga taksat e qytetarëve të Tiranës për kompletimin e punimeve.

“Mashtrimi është gjendja natyrale e Erion Veliajt.

Po dje media, ka trajtuar një tjetër mashtrim të Veliajt, të denoncuar më herët edhe nga kandidati i opozitës, Belind Këlliçi.

Veliaj inauguroi për herë të dytë në pak javë, tregun agro-ushqimor në Farkë. Jo vetëm nuk u respektuan afatet, pasi që do të duhej të ishte gati vitin e shkuar, por ende edhe sot, me gjithë propagandën, ky treg nuk ka përfunduar, dhe Erion Veliaj ka nxjerrë sërish 700 mijë euro nga taksat e qytetarëve të Tiranës për kompletimin e punimeve.

Qytetarët e Tiranës janë lodhur 8 vite me mashtrime e me propagandë. Ata e dinë mirë të vërtetën e administrimit të qytetit, dhe e kanë në dorën e tyre ta ndalin këtë model. Pas 5 ditësh është momenti që me votën e tyre të sjellin ndryshim”, ka thënë ndër të tjera Silvi Bardhi./ CNA.al





Lajmet e fundit nga