Denoncon PD/ Qytetarët e Pukës po kërcënohen për vota nga persona me precedentë penalë

9 Maj 2023, 16:24, Politikë CNA

Denoncon PD/ Qytetarët e Pukës po kërcënohen për vota

Zëdhënësja e PD-së, Floriana Garo, ka denoncuar blerjen e votave në Pukë dhe kërcënimin e qytetarëve nga persona me precedentë penalë.

Në një deklaratë për shtyp, Garo tha se policia po bën fushatë kërcënuese duke u bërë presion qytetarëve që të mos votojnë kandidatët e koalicionit “Bashkë Fitojmë".

Ajo ka treguar me emra disa nga personat që sipas saj kërcënojnë qytetarët dhe lëvizin të armatosur.

Deklarata e plotë:

Përpjekja për të frikësuar opozitën e vërtetë, duke përdorur Policinë, që thotë se është e shtetit, po i përket pushtetit, apo çdo mashë tjetër të qeverisë nuk na tremb, por na bën me dije se qeveria është e trembura, që nga dëshpërimi i humbjes kërkon shpëtim tek aktet e mëposhtme.

Në Tiranë, Policia Bashkiake është dërguar për të mbyllur zyrat e degëve të Partisë Demokratike dhe koalicionit "Bashkë Fitojmë". Banditë me uniformë, në shkelje të çdo kodi etik dhe elektoral kanë shkuar në zyrat e degëve 2 dhe 5, me urdhrin e mbylljes në dorë.

Përpjekja për t’i mbyllur opozitës cdo shteg komunikimi me zgjedhësit, pasi i grabitën vulën dhe i caktuan drejtuesin e koalicionit kundër vullnetit të anëtarëve, i bën të duken të vegjël dhe në panik nga vala popullore që u është kthyer kundër.

Banditë të tjerë i gjeni edhe në Cërrik. Te një zyrtar i shtetit, shefi i Komisariatit që përdhos cdo ditë uniformën, duke u shndërruar në shoqërues të kandidatit PS-së. Bedri Hasani, pa mandat, dhe në shkelje të ligjit bën kontrolle nëpër lokale e shtëpi të mbështetësve të opozitës.

Jo larg Cërrkiut, në Lushnjë, Policia Bashkiake ka shkuar në mënyrë demonstrative para selisë së PD-së me qëllim për të hequr banderolën elektorale.

Meqë vjen Rama nesër dhe meqë nuk e duron dot banderolën me sloganin e "Bashkë Fitojmë", cubat e tij në Lushnjë duan që Ramës të mos i zënë sytë asgjë të pahijshme.

Faktin se e bëjnë për Ramën e ka dëshmuar vetë një prej policëve që u ka thënë përfaqësuesve të opozitës: hiqeni sot dhe mund ta vini sërish nesër.

Më alarmante gjendja është në Pukë, ku taborret e Gjon Gjonajt, në Polici dhe administratë, kanë filluar një fushatë të hapur kërcënimesh me qëllim trembjen e opozitarëve.

Zyrtare të Komisariatit te Policise Puke, dhe persona me precedentë kriminalë, qe kane mbeshtetjen e policisë, u bejnë presione nga me te ndryshmet qytetareve per te votuar Gjon Gjonin.

1-Fiqiri Dani, shefi i komisariatit Policisë Pukë, thërret në zyrë qytetarët dhe vartësit e tij, duke u bërë presion mos të dalin të votojnë në të kundert do kenë pasoja.

2-Imer Rexha, punonjës i policisë së Rendit, shpërndan para për blerje votash në Pukë.

3-Ndue Jaku punonjes i policise Rrugore, shperndan para per blerje votash ne Gjegjan.

4-Sokol Frroku, shoferi i kryetarit të bashkise Puke, i sapodalë nga burgu me precedent penal lëviz i armatosur në qytet.

5-Besmir Selmani, me precedentë penal, i sapodalë nga burgu, lëviz i armatosur

6-Ed Ndoja, kontigjent policie, lëviz i armatosur

7-Zef Luka, me precedentë penalë, i dënuar, leviz ne zonen e Gjegjanit i armatosur

8-Lek Luka me precedentë penalë, i dënuar, lëviz në Gjegjan i armatosur

9-Ndue Luka, kryeplak i fshatit Gjegjan, me precedentë kriminalë, lëviz në Gjegjan i armatosur.

10-Gjin Gega, pergjegjes i OSHEE-së Fushe-Arrez, kërcënon njerëz

11- Lul Mema, admistrator i Njësisë Rrape, shpërndan para për blerje votash

Keta persona, ne bashkepunim, levizin te armatosur me makina pa targa ne te gjitha akset e rrugeve te bashkise Puke, bllokojne rruget dhe ndalojne qytetare dhe perfaqesues te opozites, duke mos i lenë te bejne fushatë.

Kush kundershton dhunohet fizikisht ose shoqerohet ne polici.

Policia është vënë në dijeni, por nuk merr asnje mase ndaj tyre, madje bashkepunon me ta.

Grupi i Gjegjanit ka në përdorim 12 radio policie dhe komunikojne për levizjet dhe ndjekjet qe i bejne çdo personi dhe perfaqesuesi te opozites kur hyn ne zonën e tyre.

Koalicioni Bashkë Fitojmë i bën thirrje Drejtorit të Përgjithshëm të Policisë së Shtetit, që të tërheqë menjëhere policët e kthyer në banditë, nga Lushnja në Cërrik e deri në Pukë e më tej.

Përdhosja e uniformës është një akt i turpshëm për të gjithë trupën e policisë dhe profesionistët e saj.

I bëjmë thirrje Prokurorisë të nisë hetimet për këto shkelje flagrante të lirisë së shprehjes dhe dhunën që ushtrohet mbi këtë premisë.

I kërkojmë OSBE-ODHIR që ti marrë shënim të gjitha këto abuzime dhe t’i konsiderojë për raportin final të zgjedhjeve të 14 majit./ CNA.al