Deklaratat e Ramës, Berisha në “Euroactiv”: Rama po ndërhyn në ekuilibrat gjeopolitikë në rajon

10 Maj 2023, 10:58, Politikë CNA

Deklaratat e Ramës, Berisha në “Euroactiv”: Rama po

Në një intervistë për "Euroactiv", kryetari i Partisë Demokratike, Sali Berisha, ka folur për Edi Ramën dhe mënyrën se si ai ka ndërhyrë në zgjedhjet presidenciale të presidentit Recep Tayyip Erdogan.

Berisha theksoi se Rama çdo ditë e më tëpër e tregon “pushtetin” dhe “arrogancën” e tij duke ndërhyrë në ekuilibrat gjeopolitikë në rajon, siç ka bërë edhe me Greqinë dhe Ankaranë.

“Ndërhyrja e Ramës tregon ekuilibrat gjeopolitikë në rajon, me Greqinë fqinje që po ndjek me kujdes zhvillimet në dritën e çështjeve të saj të hapura me Ankaranë. Erdogan ka qenë në pushtet për 20 vite, por votimi i së dielës mund të bëjë që kjo të marrë fund, pasi sondazhet e fundit parashikojnë një sfidë të paprecedentë ndaj sundimit të tij,” shkruan agjencia. Sipas "Euroactiv", komentet e Ramës kanë ndezur zemërimin e ish-kryeministrit shqiptar, Sali Berisha, i cili dha një prononcim për agjencinë. "Turqia është pa dyshim një mike, një partnere, por me një doktrinë të neo-otomanizmit, që unë nuk do ta pranoj,” tha Berisha.

Berisha kishte edhe një thirrje për komunitetin shqiptar që jeton në Turqi.

“Në emër të PD-së dhe opozitës shqiptare, në respekt të plotë të ligjeve, të Shqipërisë dhe Turqisë, thirrja ime për çdo qytetar turk me origjinë shqiptare është të votojë për liritë e tij, të votojë për dinjitetin e tij, të votojë për një Turqi të ëndrrës së tij dhe të mos ndikohet nga asnjë thirrje e një njeriu që ka përqendruar çdo pushtet në duart e tij dhe e përdor atë kundër qytetarëve të vendit të tij për varfërimin dhe dëbimin e tyre nga Shqipëria,” tha Berisha.