E vërteta e fotove nudo/ Flet Rama: Më kërkuan para, sekretares i thashë s’është hera e parë që sheh

9 Maj 2023, 22:45, Politikë CNA

E vërteta e fotove nudo/ Flet Rama: Më kërkuan para, sekretares i

Kryeministri Edi Rama

Kryeministri Edi Rama ka folur mbrëmjen e sotrme në lidhje me një foto të publikuar vite më parë, ku kreu i qeverisë ishte fotografuar në një plazh nudo.

Rama tregoi se fotot i kishte pasur në makinë, por dikush ia kishte marrë dhei kishte kërkuar para në këmbim të tyre.

Kreu i qeverisë tha se nuk kishte pranuar që të jepte para dhe foto ishin publikuar në një gazetë. Ai rrëfeu se e gjitha kjo ka ndodhur gjatë kohës që ishte në fushatë elektorale.

Ai deklaroi në emisionin e ish-deputetes Duma se fillimisht donte të thonte se ishin montazh, por kur ishte përballur me njerëzit kishte pranuar se fotot ishin të vërteta, duke fituar kështu më shumë popullaritet.

Pjesë nga deklarata:

Kisha shqetësim patjetër, ishte një kuti me fotografi lloj-lloj, të cilat i kisha lënë në bagazhin e makinës bashkë me gjëra të tjera sepse jam shumë i pavëmendshëm, fatmirësisht që kur jam disiplinuar nga pikëpamja e jetës dhe kam një njeri që kujdeset për mua në gjërat më të jashtëzakonshme. Një ditë të bukur më bie telefoni dhe e ngrita më tha dikush shiko me një zë shqetësues, duhet të bëhesh gati të paguash se ke dhe fushatën përpara, nuk po e kuptoja çfarë po thoshte i thashë kush je më tha do e kuptosh, por përgatitu të paguash mirë.

Ndodhi kjo telefonatë pas 10 ditësh dhe isha i përgatitur në rastin e dytë t’i ktheja përgjigje frëngjisht dhe më thotë mos bëj trimin se mos më paguash ti do të tmerrohen të gjithë gratë e gjithë gocat e gjithë familjet e këtij vendi. Më kërkoi të paguaj se do të tmerrohen gratë dhe në një moment pata një flash që janë fotot, i kërkova dhe nuk i gjeta. Makina kishte shkuar në një vend dhe aty gjërat kishin humbur dhe kështu e kisha një përgatitje. Kur erdhi gjëja e lanë në një zarf i thashë nuk paguaj gjë, bëni çfarë të doni, as nuk bëhej fjalë të paguaja se s’kisha bërë gjë.

Mendoja që janë fotografitë, por nuk e dija qartësisht. Erdhi zarfi, unë isha në fushatë, më mori në telefon drejtuesja e organizimit më tha ku je duhet të vish patjetër dhe aty e kuptova. I thashë mos u shqetëso se nuk është se po sheh për herë të pare, më tha nuk është për të qeshur. E ndava mendjen që duhej të përballesha më të vërtetën, i thashë thuaj është montazh, por më vinte plasja të fshihja këtë gjë. Isha në një plazh nudist me të dashurën tim. Kam qenë njeri i lire, nuk e lashë fushatën në mes për të ikur atje. Kam pasur gjithmonë besim te shqiptarët, janë të mprehtë edhe për gjëra të caktuara që mund të diskutojnë njerëzit dhe e kanë të fortë instiktin se kush ka të drejtë.

Në këtë pikë thoja çfarë është kjo në fund të ditës, të gjithë njerëzit do të thonin çfarë ka bërë. Nuk ishte e lehtë, më erdhi fjala që kishte vajtur në një gazetë, nuk ishte e lehtë. Aty u rritën, se ne bëjmë sondazhe fotografitë e zgjeron diferencën. Axhenda ishte që do të bëja takim me të rinjtë në një si disko, ishte kohë pak para dreke dhe aty ishin mbledhur nja 200 të rinj dhe unë i them, kanë nxjerrë sot disa foto të mijat që i kam bërë kur kam qenë me të dashurën atje dhe ata mendojnë se duke u futur te jeta private e imja, më dëmtojnë. Ata të gjithë shpërthyen në duartrokitje dhe kur po dilja ishte një nga këta tipikët dhe më tha je i madh, se e kisha ndarë mendjen, por desha të dëgjoj çfarë do të thoje e po të kishe thënë është montazh do e kishe harruar votën time. Unë mendoj se shqiptarët janë shumë të mprehtë e të adaptueshëm./ CNA.al