web counter
LEXO PA REKLAMA!

SHKARKO APP

App Store
Google Play

E fundit!

x

Mediu, takim me kongresmenë dhe senatorë amerikanë/ “Të bashkohemi për të shkelmuar të keqen”

10 Maj 2023, 13:35, Politikë CNA
Mediu, takim me kongresmenë dhe senatorë amerikanë/
Fatmir Mediu

Kreu i Partisë Republikane, Fatmir Mediu, dhe të rinjtë e kësaj force politike zhvilluan sot në Tiranë takim me senatorë dhe kongresmenë amerikanë.

Në fjalën e tij, Mediu dha disa mesazhe politike për 14 majin, ndërsa tha se misioni kundër së keqes është më i rëndësishëm se kurrë më parë.

Mediu tha se të rinjtë duhet të jenë forca që ndryshon politikën dhe vendin, ashtu siç bënë studentët në dhjetor të 1990-ës.

Ndër të tjera, kreu i PR nënvizoi se pushteti po shpopullon vendin.

“Misioni ynë është të ndërtojmë të mirën përballë së keqes, të ndërtojmë dashurinë përballë urrejtjes, të ndërtojmë respektin përballë përbuzjes.

Këto janë rrugët për të ndërtuar një shoqëri, e cila ecën përpara.

Ne sot kemi një mision kundër së keqes. Kemi një pushtet, i cili po shpopullon Shqipërinë, po e shpopullon prej jush, njerëzve të rinj, njerëzve të mencur dhe të ditur, të cilët duan një jetë ndryshe, po shkatërron të ardhmen e familjeve tona, po shkatërron të ardhmen tonë si komb.

Prandaj ky është një moment jashtëzakonisht i rëndësishëm, për të tejkaluar thjesht dhe vetëm politikën, për të besuar te vetja, për të besuar që Zoti na ka falur jetën, lirinë dhe mundësinë për të ndërtuar lumturinë, dhe ne kështu, duke besuar në këto principe, do të ecim të gjithë së bashku.

Prandaj ju ftoj ju që deri më 14 maj të mos pushojmë, por mesazhin e mundësisë që na është dhënë nëpërmjet lirisë, mesazhin e asaj që na e ka dhënë si të drejtë Zoti, ne duhet ta kthejmë në duart e shqiptarëve të lirë, ashtu sic filluam ne vitet 1990.

Te mos pranojmë të rikthehemi në rrugën e errësirës, ku na u ndalua besimi, liria dhe e drejta.

Të mos pranojmë që njerëz që kanë pushtet sot të sillen me ne dhe me taksat tona, sikur janë pronarë të asaj që ne paguajmë dhe asaj cka është jeta jonë.

Prandaj më shumë se kushdo tjetër, rinia është kualitet, rinia është qëllim në vetvete për të bërë më të mirën.

Mos jeto me zhurmën dhe dogmën e të tjerëve. Beso te vetja jote, te zemra jote, sepse ajo nuk gabon.

Prandaj le të bashkohemi ne që të gjithë, të shkelmojmë të keqen dhe të ligën, të tregojmë që dimë dhe duhet të ndërtojmë.

Le të bashkohemi ne me bindjen që atë që i ka falur Zoti këtij vendi, si asnjë vendi tjetër, ne duhet ta kthejmë në mundësi, oportunitet, për cdo shqiptar të lirë, për të ndërtuar Shqipërinë europiane dhe për të qenë shqiptarë europianë”, ka deklaruar Mediu./ CNA.al





Lajmet e fundit nga