web counter
LEXO PA REKLAMA!

SHKARKO APP

App Store
Google Play

E fundit!

x

“Jemi super në formë”/ Veliaj: Do të kemi një fitore 5 – 0 në Qarkun e Tiranës

10 Maj 2023, 15:59, Politikë CNA
“Jemi super në formë”/ Veliaj: Do të kemi një
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj, është shprehur se më 14 maj, PS do të sigurojë një fitore 5-0 kundrejt opozitës.

Veliaj tha se ashtu si në zgjedhjet e një viti më parë, ku PS mori 70% të votave, edhe në 14 maj Vora do të votojë të shkojë vetëm përpara.

“Ne do sigurohemi që të kemi një fitore 5 – 0 në Qarkun e Tiranës. Ashtu si ekipi i Vorës që u ngrit shumë herë më i fortë dhe më i fuqishëm, ashtu dhe skuadra jonë është super në formë për një rezultat 5 - 0. Ne duam jo vetëm familjen tonë, por ne duam që edhe të tjerët të bashkohen me ne. Ne duam që edhe ata që kanë qenë deri dje me Saliun dhe me Shkëlzenin, të kuptojnë që nuk mund të votosh për dikë që të dhunon, nuk mund të japësh besimin për dikë që të shkatërron, nuk mundet t’i japësh kontratën të të shërbejë dikujt që të hedh në erë.

Ne duhet të tregojmë se ky është një qytet me dinjitet. Që nuk ka asnjë votë për ata që e kanë hedhur në erë, për ata që kanë hapur 26 varre, për ata që e kanë dhunuar Vorën, por ne kemi votë, kemi marrëveshje, kemi besëlidhje me Blerim Sherën, skuadrën e tij, skuadrën e Partisë Socialiste, skuadrën e familjes sonë të madhe të Vorës, ekipin e Vorës, çunat dhe gocat e Vorës dhe gjyshet dhe gjyshërit e Vorës. Kjo është aleanca jonë,” deklaroi drejtuesi socialist i Qarkut./ CNA.al





Lajmet e fundit nga