web counter
LEXO PA REKLAMA!

SHKARKO APP

App Store
Google Play

Rama “lëshon” të vetët/ Kush del nga rruga Zotit dhe e ligjit, s’ka shans të mbahet pas meje

10 Maj 2023, 22:24, Politikë CNA
Rama “lëshon” të vetët/ Kush del nga rruga Zotit dhe
Kryeministri Edi Rama

Kryeministri Edi Rama ka lënë në dorë të drejtësisë eksponentët e PS-së që kanë probleme me drejtësinë.

Rama tha mbrëmjen e sotme se nuk do të mbrojë askënd që del nga rruga Zotit apo e ligjit.

Ai deklaroi në emisionin e Erla Mëhillit se kushdoi që korruptohet nuk mund të mbahet pas tij.

“Kush e lëshon veten dhe ngatërron rrugën dhe del nga rruga e Zotit dhe e ligjit nuk ka asnjë shans që të mbahet pas meje, pas shkopit të flamurit të Partisë Socialiste dhe të socialistëve. Kjo është shumë e qartë. Unë nuk jam ai që sot është faqja e zezë e Shqipërisë, që me demek nuk i lëshonte kriminelët. Drejtorin e tatimeve të Republikës së Shqipërisë e mbante në detyrë në arrest shtëpie, ishte në arrest shtëpie dhe ishte drejtor. Kriminelët e 21 janarit nuk ia dorëzoi prokurorisë dhe kështu me radhë.

Jo që nuk i mbroj kriminelët e të korruptuarit, por unë jam marrë personalisht dhe kam udhëhequr Reformën në Drejtësi që ata të bëhen të pambrojtshëm nga askush, as edhe nga unë, nëse unë luaj mendsh dhe shkoj t’i mbroj nga drejtësia”,  theksoi kreu i qeverisë./ CNA.al





Lajmet e fundit nga