web counter
LEXO PA REKLAMA!

SHKARKO APP

App Store
Google Play

Veliaj, pasardhës i Ramës?/ Kryeministri “nuk i lëshon vendin”: S’kemi nevojë tani

10 Maj 2023, 22:44, Politikë CNA
Veliaj, pasardhës i Ramës?/ Kryeministri “nuk i lëshon
Edi Rama dhe Erion Veliaj

Në media shpeshherë është përfolur se kryebashkiaku Erion Veliaj mund të jetë pasardhës i kryeministrit Edi Rama në Partinë Socialiste.

Madje, disa analistë kanë deklaruar se Veliaj është duke punuar kundër kreut të qeverisë për t’i zënë vendin. Lidhur me këto aludime është pyetur mbrëmjen e sotme kryeminitri dhe kryetari i PS-së.

Rama tha në emisionin e Erla Mëhilli se për tashmë PS nuk ka nevojë për një lider të ri dhe këtë gjë socialistët do ta vendosin kur të vijë momenti.

Pjesë nga biseda:

Edi Rama: Erion Veliaj e ka fituar Tiranën, ka mbaruar ajo është e mbyllur.

Erla Mëhilli: A do jetë ai pasuesi juaj në PS?

Edi Rama: Nuk është kjo tema që më ka interesuar ndonjëherë. Më thonë shumë njerëz po pasardhësi? Unë mendoj se kjo nuk është detyra ime, kjo do jetë detyra e atyre që do kenë nevojë për një lider tjetër kur unë të mos jem më aty. Do ta zgjedhin ata që do duan të vazhdojnë dhe do zgjedhin liderin. Nuk do e zgjedh unë.

Erla Mëhilli: Ju do ia jepni votën zotit Veliaj për kryetar?

Edi Rama: Nuk jemi akoma aty. Unë do jem një anëtar i thjeshtë i Partisë Socialiste dhe do marr pjesë në votim, por se kush do jetë lideri ynë pas meje, këtë gjë do e vendosim kur të kemi nevojë për një lider tjetër./ CNA.al





Lajmet e fundit nga