web counter
LEXO PA REKLAMA!

SHKARKO APP

App Store
Google Play

E fundit!

x

Celibashi flet troç/ Gara e 14 majit s’është e barabartë, PS më e privilegjuar nga mediat

10 Maj 2023, 22:32, Politikë CNA
Celibashi flet troç/ Gara e 14 majit s’është e
Kryetari i Komisionit Qendror të Zgjedhjeve, Ilirjan Celibashi

Kryetari i Komisionit Qendror të Zgjedhjeve, Ilirjan Celibashi, foli mbrëmjen e sotme për fushatën elektorale për zgjedhjet e 14 majit.

Celibashi deklaroi në emisionin e Eni Vasilit se kushtet e garimit në zgjedhje nuk janë të parabarta.

Ai theksoi se është bërë çfarë është e mundur nga ana e KQZ-së që gara të jetë e barabartë, por qeveria në pushtet është më e privilegjuar nga mediat.

“KQZ ka përmbushur detyrimet që ka për t’i mundësuar votuesve siguri të integritet të zgjedhjeve dhe partive një garë në kushte sa më të barabarta, pasi nuk mund ta them që kushtet e garimit në mënyrë absolute janë të barabarta.

Ka pasur raste kur është dashur ndërhyrja e KQZ për të vendosur rregull sa i përket mënyrës si partitë politike kanë përcjellë fushatën e tyre. Duhet të them që krahasuar me zgjedhjet e tjera ka një qasje më respektuese nga subjektet zgjedhore të Kodit Zgjedhor sa i përket fushatës.

Zhvillimi i takimeve elektorale, materialet propagandistike, kanë qenë në një respekt më të plotë të Kodit se në zgjedhjet e kaluara. Vetë sistemi e realitetet ekonomike sociale e politike ndikojnë në krijimin e një klime jo plotësisht të barabartë.

Partia që është në pushtet ka një lloj avantazhi dhe mundësi për një vizibilet më të madh e partitë të opozitës. Megjithatë koha televizive e kryeministrit përfshihet në kohën televizive të fushatës së PS”, theksoi kreu i KQZ-së./ CNA.al





Lajmet e fundit nga