web counter
LEXO PA REKLAMA!

SHKARKO APP

App Store
Google Play

Begaj, në konferencë me homologun Duda/ “Polonia, kontribuese në ruajtjen e paqes dhe stabilitetit në rajon “

11 Maj 2023, 12:54, Aktualitet CNA
Begaj, në konferencë me homologun Duda/ “Polonia, kontribuese
Foto ilustruese

Presidenti i Republikës së Shqipërisë, Bajram Begaj, në konferencën e përbashkët me homologun e Polonisë, Andrzej Duda, është shprehur se mes dy vendeve ka bashkëpunim shumë të mirë në fushën e mbrojtjes, arsimit, shkencës dhe turizmit.

Begaj theksoi se Polonia ka dhënë kontribut për paqen dhe stabilitetin në rajonin e Ballkanit Perëndimor.

“I shpreha mirënjohjen Presidentit Duda për solidaritetin që Polonia dhe populli polak treguan me shqiptarët për kapërcimin e dëmeve të tërmetit shkatërrimtar të nëntorit 2019 dhe gjatë pandemisë COVID-19 

Me homologun Duda u ndalëm te bashkëpunimi ekonomik e tregtar i cili megjithëse ka zhvillime pozitive dhe një kuadër të plotë ligjor është larg mundësive të dy vendeve.

Vlerësuam bashkëpunimin në fushën e turizmit ku një kontribut të madh kanë dhënë lidhjet direkte të fluturimeve mes Polonisë dhe Shqipërisë.

Si dy vende anëtare të NATO-s Shqipëria dhe Polonia kanë bashkëpunim shumë të mirë në fushën e mbrojtjes në nivel strategjik dhe operacional.

Vlerësuam gjithashtu bashkëpunimin shumë të mirë në fushën e arsimit dhe shkencës si aspekt tjetër i rëndësishëm i marrëdhënieve dypalëshe.

Një vëmendje shumë të veçantë ia kushtuam bashkëpunimit në kuadër të integrimit evropian të Shqipërisë ku shpreha mirënjohjen për mbështetjen që Polonia i ka dhënë Shqipërisë.

Shpreha mirënjohje për kontributin që Polonia ka dhënë për paqen dhe stabilitetin e rajonit në Ballkanin Perëndimor.

Vëmendje të veçantë i kushtuam sfidës më të madhe për rendin botëror dhe sistemin e vlerave tona të përbashkëta që po testohen e kërcënohen nga një prej anëtarëve të përhershëm të Këshillit të sigurimit të Kombeve të Bashkuara”, është shprehur Begaj./ CNA.al





Lajmet e fundit nga