web counter
LEXO PA REKLAMA!

SHKARKO APP

App Store
Google Play

E fundit!

x

Transportonte emigrantë të paligjshëm kundrejt pagesës, arrestohet 35-vjeçari në Korçë

10 Maj 2023, 13:23, Aktualitet CNA

Transportonte emigrantë të paligjshëm kundrejt pagesës,

Policia e Korçës ka vënë në pranga 35-vjeçarin me iniciale G.M., i cili është kapur duke transportuar 5 emigrantë të paligjshëm, të cilët u gjenden në automjetin e tij "Benz".

Autori nuk i është bindur urdhrit të policisë për të ndaluar dhe ka tentuar të largohet nga vendngjarja. Mësohet se 35-vjeçari transportonte emigrantët kundrejt pagesës.

Njoftim i Policisë:

Finalizohet operacioni policor i koduar “Midnight 10”, për goditjen e veprimtarisë kriminale të dhënies ndihmë shtetasve të huaj, kundrejt pagesës, për kalim të paligjshëm të kufirit.

Arrestohet një 35-vjeçari, i cili është kapur duke transportuar 5 emigrantë të paligjshëm dhe nuk i është bindur urdhrit të punonjësve të Policisë.

Policia bën me dije se në pranga ka rënë shtetasi me iniciale G.M., 35-vjeç, banues në Durrës dhe sekuestrohen automjeti, një aparat celular dhe një shumë parash.

Shtetasi G. M., sapo ka konstatuar se ishte në ndjekje nga Policia, ka tentuar të largohet me shpejtësi me automjet, duke mos iu bindur urdhrit të punonjësve të Policisë, për të ndaluar, por menjëherë është kapur dhe neutralizuar. Gjatë kontrollit në automjetin tip “Benz”, u gjetën 5 emigrantë të paligjshëm.

Nga tërësia e veprimeve hetimore dhe provat e siguruara, rezultoi se 35-vjeçari do t’i transportonte emigrantët, kundrejt pagesës, me qëllim që të kalonin në mënyrë të paligjshme drejt vendeve të BE-së.

Në cilësinë e provës materiale u sekuestruan automjeti, një aparat celular dhe një shumë parash.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

 

 





Lajmet e fundit nga