web counter
LEXO PA REKLAMA!

SHKARKO APP

App Store
Google Play

E fundit!

x

“Tirana, në alarm”/ Alimehmeti: Më 14 maj, ta pastrojmë ajrin nga ndotësi më i madh, Erion Veliaj

8 Maj 2023, 14:31, Aktualitet CNA
“Tirana, në alarm”/ Alimehmeti: Më 14 maj, ta
Ilir Alimehtmeti

Drejtuesi i departamentit të Shëndetësisë në PD, Ilir Alimehmeti, në një deklaratë për mediat ka komentuar statistikat e Institutit të njohur Italian “Neotes” mbi ndotjen e ajrit në Tiranë.

Alimehmeti theksoi se ndotja e ajrit në Tiranës është alarmante dhe se dioksidi i azotit dhe benzeni, janë 4-fish më të lartë në ajrin e Tiranës, sesa mesatarja e vendeve të Bashkimit Europian.

Ai nënvizon se, propaganda e bashkisë thotë se kemi 1 milion pemë dhe ajër të pastër, ndërkohë realiteti është krejt tjetër duke vënë në pah betonizimin e kryeqytetit.

“Ndotja e ajrit në Tiranë, sipas matjeve të fundit të Institutit të njohur Italian 'Neotes' është alarmante. Ajri që thithim çdo ditë dhe çojmë në mushkëri, fëmijët tanë, të moshuarit tanë, të sëmurët tanë, banorë të Tiranës apo vizitorë, pa asnjë dallim, përbën rrezik për shëndetin, është kancerogjen.

Ekspertët italianë kanë konstatuar se, dy prej elementëve më të rrezikshëm për shëndetin, dioksidi i azotit dhe benzeni, janë 4-fish më të lartë në ajrin e Tiranës, sesa mesatarja e vendeve të Bashkimit Europian.

Ka disa zona në Tiranë, ku benzeni është 101 mikrogramë për metër kub, ndërsa në Itali është vetëm 5 mikrogramë.

Kjo lëndë shkakton kancer.

Po ashtu, në përmasa alarmante është edhe përqendrimi i dioksidit të azotit. Laboratori italian ‘Neotes' zbulon se ai arrin të kapë shifra tronditëse, duke qenë 9 herë më i lartë se mesatarja e rekomanduar nga Organizata Botërore e Shëndetësisë.

Dioksidi i azotit shton vdekshmërinë nga sëmundjet kardiovaskulare dhe ato respiratore, dhe përkeqëson astmën, infeksionet e frymëmarrjes dhe sëmundjet kronike të mushkërive.

Kjo është, për fat të keq, e vërteta e Tiranës sonë. Propaganda e bashkisë thotë se kemi 1 milion pemë dhe ajër të pastër. Ndërkohë, realiteti është krejt tjetër. Edhe pa shkencën, njeriu me sy të lirë e sheh dhe kupton se kur ndërtimet nuk kanë fre, kur trafiku zgjatet në çdo orë të ditës, kur masat për të kontrolluar mjedisin dhe ndalur shkelësit janë inekzistente, nuk mund të kishim ajër të pastër dhe tregues të shëndetit të mirë në qytetin tonë.

Prandaj më 14 maj, të dashur bashkëqytetarë, ne duhet ta pastrojmë ajrin nga ndotësi më i madh dhe absolut i tij, nga Erion Veliaj.

Me babëzinë për para, me pafuqinë për t’u thënë jo Ramës dhe oligarkëve, me të cilët e lidhin interesat private, jo interesi publik, ajri i Tiranës do të vazhdojë të jetë i ndotur dhe jeta jonë e pasigurt dhe e pashëndetshme.

Eshtë koha për ndryshim. Me Belind Këlliçin, kemi një plan që do të lehtësojë trafikun, do të normalizojë ndërtimin, dhe do të krijojë oaze të gjelbra në çdo lagje. Kjo do të ulë ndotjen, dhe do ta bëjë qytetin tonë më të pastër, më të shendetshëm dhe më të jetueshëm për të gjithë, pa dallim”, është shprehur Alimehmeti./ CNA.al





Lajmet e fundit nga