E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Edukimi për Sigurinë Rrugore, si pjesë e kurrikulave në arsimin parauniversitar/ DPSHTRR nënshkruan marrëveshjen me Ministrinë e Arsimit dhe Sportit

8 Maj 2023, 11:25, Aktualitet CNA

Edukimi për Sigurinë Rrugore, si pjesë e kurrikulave në

Foto ilustruese

Me qëllimin e përbashkët për të promovuar fuqimisht edukimin rrugor përmes njohurive dhe materialeve të certifikuara sipas standardeve ndërkombëtare, Ministrja e Arsimit dhe Sportit, Znj. Evis Kushi dhe Drejtori i Drejtorisë së Përgjithshme të Shërbimeve të Transportit Rrugor, Z. Blendi Gonxhja nënshkruan marrëveshjen e përbashkët për hartimin dhe zbatimin e unifikuar të kurrikulës së re të Edukimit për Sigurinë Rrugore në arsimin parauniversitar.

Prej vitit 2019, DPSHTRR ka organizuar 142 evente në 25 qytete me rreth 7,976 fëmijë pjesëmarrës, por tashmë falë kësaj marrëveshjeje ky bashkëpunim do të shtrihet zyrtarisht në kurrikulat mësimore, me kapituj të dedikuar mbi sigurinë rrugore e tekste të reja plotësisht në përputhje me praktikat evropiane në të gjitha shkollat, deri në 18 vjeç.

Krahas kurrikulave mësimore për nxënësit, do të sigurohen edhe materiale formuese e burimore në ndihmë të trajnimit të mësuesve të sistemit arsimor. Ky bashkëpunim bazohet në ndryshimet e Kodit Rrugor, propozuar nga Ministria e Infrastrukturës dhe Energjisë, mbi unifikimin dhe homologimin e manualeve formuese, rolin e DPSHTRR, si edhe interesin strategjik për rritje sigurie rrugore dhe publike, me objektiv kulturën mbi trafikun dhe lëvizshmërinë e sigurt.

Marrëveshja e re do të sjellë risi në metodologji e didaktikë, orë digjitale mësimore dhe simulatorë, aplikacione "online" e aktivitete të konceptuara sipas grupmoshave. Synimi është përgatitja e individit si një përdorues rruge, mjeti, pasagjer, këmbësor, pedalues e drejtues mjeti, që në vegjëli sipas praktikave më të mira ndërkombëtare, për një realitet ku sot motorizimi i shoqërisë është dyfishuar nga viti 2013, duke shkuar në rreth 300 mjete për 1,000 banorë, ose +86%, me projeksion aktual trendi rritjeje prej rreth 50 mijë mjete rrugore në vit./ CNA.al