web counter
LEXO PA REKLAMA!

SHKARKO APP

App Store
Google Play

E fundit!

x

Dita Kombëtare e Drejtësisë/ Mesazhi i Metanit: Nuk duhet të vrasim shpresën që kanë njerëzit te ligji

10 Maj 2023, 08:42, Aktualitet CNA
Dita Kombëtare e Drejtësisë/ Mesazhi i Metanit: Nuk duhet të
Inspektori i Lartë i Drejtësisë, Artur Metani

Inspektori i Lartë i Drejtësisë, Artur Metani, sot në Ditën Kombëtare të Drejtësisë ka uruar çdo gjyqtar e prokuror, çdo jurist, që përpiqet çdo ditë të respektojë e zbatojë ligjin.

Në mesazhin e tij, Metani është shprehur se njerëzit shpresojnë te ligji dhe barazia para tij, ndaj dhe kjo shpresë nuk duhet vrarë.

Më tej shton se, nëse gjyqtarët e prokurorët, do t’u rezistojnë përpjekjeve të interesave politike, financiare e të tjera, që kërkojnë të imponojnë vendimmarrjen dhe paanësinë, nëse do të ruhen të pastra interesat e dhënies së drejtësisë, atëherë i është bërë një shërbim i çmuar shoqërisë, demokracisë, të ardhmes së fëmijëve tanë dhe vendit.

“Sot, në ditën Kombëtare të Drejtësisë, uroj çdo gjyqtar e prokuror, çdo jurist, që përpiqet çdo ditë të respektojë e zbatojë ligjin.

Por sot, më shumë sesa të festojmë, duhet të kuptojmë se sa i rëndësishëm është profesioni ynë, detyra që ushtrojmë, përgjegjësia që kemi përpara qytetarëve dhe të ardhmes.

Më shumë akoma të jemi të ndërgjegjshëm, se njerëzit shpresojnë te shteti ligjor, shpresojnë tek institucionet e drejtësisë, njerëzit shpresojnë te ligji dhe barazia para tij.

Kjo shpresë nuk duhet vrarë!

Nëse gjyqtarët e prokurorët, e bashkë me ta, edhe ne të tjerët, do t’u rezistojmë përpjekjeve të interesave politike, financiare e të tjera, që kërkojnë të imponojnë vendimmarrjen dhe paanësinë, nëse do të ruajmë të pastra interesat e dhënies së drejtësisë, atëherë i kemi bërë një shërbim të çmuar shoqërisë, demokracisë, të ardhmes së fëmijëve tanë, vendit tonë”, thotë Metani në mesazhin e tij./ CNA.al





Lajmet e fundit nga