web counter
LEXO PA REKLAMA!

SHKARKO APP

App Store
Google Play

E fundit!

x

Dita Kombëtare e Drejtësisë/ Begaj: Reforma nuk ka qenë e lehtë, sfidat dhe pengesat kanë sjellë vonesa

10 Maj 2023, 10:01, Aktualitet CNA
Dita Kombëtare e Drejtësisë/ Begaj: Reforma nuk ka qenë e
Presidenti i Republikës, Bajram Begaj

Presidenti i Republikës, Bajram Begaj, gjatë fjalës së tij në konferencën me temë “Praktika gjyqësore e Gjykatës së Lartë, nga identiteti kombëtar te vlerat universale”, në kuadar të 110-vjetorit të krijimit të Gjykatë së Lartë dhe Ditës Kombëtare të Drejtësisë, u shpreh se Reforma në Drejtësi nuk ka qenë e lehtë, pasi ngritja dhe realizimi i saj, duke përfshirë sfidat dhe pengesat kanë sjellë vonesa përtej parashikimeve ligjore.

Begaj nënvizoi se, cilësia në drejtësi është dhe duhet të jetë kriteri matës për të përcaktuar punën e gjithë aktorëve të përfshirë.

“Në këto 110 vite historia jonë politike ka pasur rrugëtim jo të lehtë.

Rrugëtimi i Drejtësisë shqiptare në kërkim të një drejtësie të pavarur, të vendosjes së barazisë para ligjit.

Aktorë vendas e ndërkombëtarë kanë një kontribut për ndërtimin e një sistemi drejtësie transparent.

Gjykata e Lartë ka një kontribut të pazëvendësueshëm, synimi i reformës së nisur në 2014 kulmoi me miratimin e ndryshimeve Kushtetuese në vitin 2016.

Reforma nuk ka qenë e lehtë sepse ngritja dhe realizimi i saj, përfshirë sfidat dhe pengesat, kanë sjellë vonesa përtej parashkimeve ligjore.

Duhet garantuar aksesi në drejtësi, nëpërmjet implementimit korrekt të hartës gjyqësore.

Garantimi i pavarësisë së sistemit, e cila është arsyeja e reformës në drejtësi.

Cilësia në drejtësi është dhe duhet të jetë kriteri matës për të përcaktuar punën e të gjithë aktorëve të përfshirë.

Pavarësisht se puna e akumuluar paraqet sfida e problematika dua t’ju përgëzoj.

Uroj të jetë një shembull suksesi duke dëshmuar profesionalizëm, integritet, paanëshmëri”, tha Begaj./ CNA.al





Lajmet e fundit nga