web counter
LEXO PA REKLAMA!

SHKARKO APP

App Store
Google Play

E fundit!

x

Celibashi, thirrje SPAK-ut dhe Prokurorisë para zgjedhjeve: Parandaloni krimin

11 Maj 2023, 11:28, Aktualitet CNA

Celibashi, thirrje SPAK-ut dhe Prokurorisë para zgjedhjeve: Parandaloni

Kryetari i Komisionit Qendror të Zgjedhjeve, Ilirjan Celibashi, vetëm dy ditë para zgjedhjeve të 14 majit, i është drejtuar me një letër Prokurorit të Përgjithshëm, Olsian Çela, drejtuesit të SPAK-ut, Altin Dumani, si edhe Drejtorit të Përgjithshëm të policisë, Muhamet Rrumbullaku, ku kërkon te parandalohet krimi në zgjedhje.

Celibashi në letrën e drejtuar Celës, Dumanit dhe Rrumbullakut kërkon koordinimin e punës për të shmangur incidentet e mundshme ditën e zgjedhjeve deri në përfundimin e procesit të numërimit të votave.

“Në njohje dhe respektim të kompetencës dhe të përgjegjësisë ligjore të secilit prej institucioneve që ju drejtoni si edhe të Komisionit Qendror të Zgjedhjeve, më lejoni të sjell në vëmendjen tuaj nevojën për të koordinuar ushtrimin e këtyre përgjegjësive me qëllim parandalimin dhe evidentimin e veprave penale në fushën e zgjedhjeve në mënyrë efikase, më së paku në raport me kohën.

Kjo, për përgatitjen dhe zhvillimin e zgjedhjeve për organet e qeverisjes vendore të datës 14 maj 2023. Mbi sa thashë më lart, rekomandojmë të caktohen dhe të njihen reciprokisht kontaktet përkatëse, të posaçme, pritëse dhe dërguese të informacioneve të rastit. kjo veçanërisht për periudhën nga sot deri në përfundimin e procesit të numërimit të votave”, tha Celibashi. / CNA.al

 

Celibashi, thirrje SPAK-ut dhe Prokurorisë para zgjedhjeve: Parandaloni

 

 





Lajmet e fundit nga