web counter
LEXO PA REKLAMA!

SHKARKO APP

App Store
Google Play

Rama shkon te Piramida e Tiranës/ Ëndrra u bë realitet, godina do hyjë në “Guinness”

11 Maj 2023, 21:25, Politikë CNA
Rama shkon te Piramida e Tiranës/ Ëndrra u bë realitet, godina do
Kryeministri Edi Rama

Kryeministri Edi Rama shkoi mbrëmjen e sotme te Piramida e Tiranës, e shndërruar tashmë në qendrën me të madhe teknologjike.

Rama shprehu bindjen se kjo hapësirë do hyjë në librin “Guinness”, për faktin se përveç aktiviteteve në brendësi të saj, do mbajë miliona e miliona njerëz edhe mbi shpinë.

“Gjëja më fantastike e këtij projekti janë shkallët që e bëjnë ngjitjen shumë të lehtë, nuk është ajo e përpjeta që simbolizon pamundësinë për të arritur në majë. Nga ajo guaska e Piramidës që u krijua për kultin e një njeriu të vetëm, tani është ‘shpina’ që mban mbi kurriz gjithë këta njerëz sot. ‘Shpina’ e kësaj Piramide do hyjë në ‘Guinness’ sepse do të mbajë miliona, miliona njerëz në jetën e vet.

Nuk besoj se do ketë godinë tjetër në botë, e cila funksionon si të gjitha godinat me aktivitete brenda vetes, por që shpina e saj do mbajë nuk e di sa miliona e miliona njerëz. Kështu që ta gëzojnë qytetarët e Tiranës, shqiptarët që jetojnë këtu, në Kosovë dhe kudo tjetër. Qendra do jetë përtej kufijve tanë, do kemi vend edhe për të tjerë. Është qendra më e madhe rajonale për sa i përket fuqisë së ka dhe do kthehet në qendrën më të madhe rajonale për s ai përket aktivitetit të vet”, tha kreu i qeverisë./ CNA.al





Lajmet e fundit nga