web counter
LEXO PA REKLAMA!

SHKARKO APP

App Store
Google Play

“Kë 48 orë kohë”/ Berisha, "ultimatum" Benet Becit: Tërhiqu të të mbetet pak nder

11 Maj 2023, 20:48, Politikë CNA
“Kë 48 orë kohë”/ Berisha, "ultimatum"
Kryetari i koalicionit “Bashkë Fitojmë”, Sali Berisha

Kryetari i koalicionit “Bashkë Fitojmë”, Sali Berisha, u ndal këtë mbrëmjen në Shkodër, ku iu drejtua me një mesazh kandidatit të PS-së, Benet Becit.

Berisha i bëri thirrje kandidatit socialist të tërhiqet nga gara, në mënyrë që t'i ngelet pak nder.

Ai tha se Beci ka 48 orë kohë që të tërhiqet, pasi pretendon se këtij të fundit do t’i ngelet peng që i ftoi shkodranët të votojnë për PS-në.

“M’u kujtua Bardh Spahia që qeverisi me një këshill socialist dhe nuk i cilësoi kundërshtarët si talebanë, por i cilësoi si njerëz me të cilët duhet të negocionte, të bënte edhe kompromise, në mënyrë që bashkia të mbetej e të gjithë qytetarëve të Shkodrës.

Bardh Spahia ka dhënë një provë të madhe dhe unë i garantoj socialistët e Shkodrës se Bardh Spahia është dhjetë herë më afër atyre se Benet Beci që përfaqëson Edi Ramën. Ndaj qytetarët e Shkodrës duhet të votojnë për Bardh Spahinë.

Po ia them sërish dy fjalë Benet Becit: Ke edhe 48 orë, tërhiqu të të mbetet pak nder. Të ftosh shkodranët që të votojnë për flamurin e Edi Ramës, do të mbetet peng gjithë jetën tënde.

Kush e ka diskriminuar në këtë mënyrë Shkodrën dhe veriun? Askush nuk mund ta bënte përveç Edi Ramës. Po nuk e votove, të ka armik. Sapo erdhi në pushtet, hoqi ndihmën ekonomike 20 mijë familjeve në qarkun e Kukësit.

Në të gjitha statistikat, qarku i Kukësit ishte dhe është qarku më i varfër i Europës. I ndëshkoi! Sot, 80 përqind e qytetarëve që jetojnë në varfëri, nuk marrin ndihmë ekonomike. Jo se nuk ka para, por Edi Rama është një armik i ekzistencës sonë”, theksoi ish-kryeministri./ CNA.al





Lajmet e fundit nga