web counter
LEXO PA REKLAMA!

SHKARKO APP

App Store
Google Play

E fundit!

x

“Sokol Olldashi u ofrua vetë”/ Rrefehet Berisha: Bashës i kërkova të ikte në 2017-ën

11 Maj 2023, 23:12, Politikë CNA
“Sokol Olldashi u ofrua vetë”/ Rrefehet Berisha: Bashës i
Kryetari i Partisë Demokratike, Sali Berisha

Kryetari i Partisë Demokratike, Sali Berisha nuk i ka kursyer kritikat për Lulzim Bashën, teksa ka kujtuar vendosjen e tij në krye të demokratëvedhe kandidaturën e të ndjerit Sokol Olldashi..

Berisha tregoi në emisionin e ish-deputetes Duma se Berishës i kërkoi të largohej në vitin 2017, por ai nuk pranoi.

Ai theksoi se u detyrua të rikthehej në jam rikthyer kur pas që po shkelmohej sovraniteti i vendit tim.

“Lul Basha nuk mund të vazhdonte më kryetar por kjo ishte çështje tjetër. Në 2011 unë kam bërë përpjekjet e mia për të fituar në të gjithë Shqipërinë por bashkia e Tiranës u mor nga koalicioni. Basha nuk ka qenë i përzgjedhuri im. Çdo ministër pa pasur jo bekimin por nxitjen më të fuqishme që të përmbushë misionin e tij. Ku unë kam mbështetur një ministër kam mbështetur veten time, nëse e kam mbështet në përpjekjet për rrugën e kombit a për liberalizimin e vizave janë projekte të miat. Nuk ka një minsitër që punon me mua e të ndihet i pasigurt me mua.

Çdo njeri që bashkëpunon me Berishën është i sigurt. Bashën nuk e kam mbështetur në iniciativë për të drejtuar PD-në, është ofruar vetë për të kandiduar jo nga unë. Olldashi është ofruar vetë, çdonjëri që të më vinte nga nënkryetarët do i thoja mirëseerdhe. Në vitin 2017 unë i kërkova largimin atij. Unë mbroja Partinë Demokratike, vetë jam rikthyer kur pashë që po shkelmohej sovraniteti i vendit tim. Ka qenë një forcë shumë madhore që ka të bëjë me të drejtën e shqiptarëve për të vendosur kush duhet te jetë në parlamentin shqiptar. Këtu kam mbështetje nga shqiptarët dhe amerikanët që vlerësojnë sovranitetin e paprekshëm”, u shpreh Berisha./ CNA.al





Lajmet e fundit nga