E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Paloka i nxjerr “të palarat” Alibeajt/ “Pranoi shkrirjen e PD-së, me qetësinë më të madhe”

27 Mars 2023, 22:56, Politikë CNA

Paloka i nxjerr “të palarat” Alibeajt/ “Pranoi shkrirjen

Deputeti i PD-së, Edi Paloka, u shpreh se grupi i vulës kishte kohë 3 muaj, por në fund nuk gjeti dot kandidatë për zgjedhjet e 14 majit.

Përballë gazetares Erla Mëhilli, ai u shpreh se Alibeaj ka marrë urdhër nga kryeministri Rama për t’u futur në zgjedhje. Më tej ai shtoi se Enkelejd Alibeaj po bën çdo gjë për të prishur punë në PD dhe misioni i tij ishte që të realizonte qëllimet e PS-së.

Edi Paloka zbuloi se në mbledhjen e fundit që është bërë nën drejtimin e Bashës, Alibeaj që ishte nënkryetar, është shprehur me qetësinë më të madhe se nuk ka asgjë të keqe që të shkrihet PD-ja nëse e ka kryer misionin e saj.

“Nuk ka pasur as 3 orë, as 3 ditë, por ka pasur të paktën 3 muaj Alibeaj për t’i gjetur kandidatët dhe nuk gjeti dot kandidatë. Nuk mendoj se po na bën favor. Unë nuk besoj nse ato pak kokrra që votojnë ose i shkojnë pas Alibeajt, nuk besoj se do të votojnë kandidatët e Partisë Demokratike dhe Sali Berishës. Ajo që e them me garanci, nuk kanë bërë asgjë në favor të Partisë Demokratike. E gjithë loja që ka bërë, është ose ka hile brenda ose ka pamundësi për të gjetur kandidatë. Që kur Rama të dhuron simbolet e PD-së , këtë nuk e bën për të rregulluar punë. Kur i detyron të kandidojnë dhe u thotë do të kandidoni si çeço nuk e bën për të na favorizuar ne. Të gjitha këto kuptohen. Alibeaj po bën çdo gjë për t’i prishur punë PD-së, nuk duhet të ketë dyshim më njeri. Është një periudhë e gjatë që Alibeaj tregon që misioni i tij ka qenë të realizojë qëllimet e PS. Ky zotëria që bën gjithë këtë luftë për të marrë PD-në, në mbledhjen e fundit që kemi bërë të drejtuar nga Basha, Alibeaj që ishte nënkryetar tha me qetësinë më të madhe që nuk ka asgjë të keqe që të shkrihet PD nëse e ka kryer misionin e saj,” tha Edi Paloka./CNA.al