web counter
LEXO PA REKLAMA!

SHKARKO APP

App Store
Google Play

Zgjedhjet lokale të 14 majit/ Veliaj prezanton listën për Këshillin Bashkiak të Tiranës

27 Mars 2023, 16:49, Politikë CNA

Zgjedhjet lokale të 14 majit/ Veliaj prezanton listën për

Drejtuesi i PS-së për Tiranën, Erion Veliaj, ka njoftuar nga selia rozë se ka dorëzuar listën me emrat për Këshillin Bashkiak në KQZ.

Erion Veliaj u shpreh se në përbërje të listës një pjesë janë zëvëndësministra si Rovena Kuko apo Besart Kadia, përfaqësues të biznesit tregtar, skuadër juristësh apo dhe përfaqësues të Komunitetit Rom, egjiptjan, për të treguar që nuk është një qytet racist, që nuk i ndan në të ardhur dhe në vendali.

Ai tha socialistët synojnë të fitojnë 40 mandate, nga 61 që janë në total.

“Sot dorëzuam listën për këshilltarët bashkiakë. Ne e duam bashkinë për të bashkëpunuar me qeverinë për të gjithë qytetarët. Shpreh mirënjohje për kështilltarët, disa prej tyre do vijojnë të jenë sërish të tillë. Nuk presim menatën për pazare, kemi qenë të përgatitur. Ne duam të vazhdojmë bashkëpunimin me qeverinë. Nuk e duam këshillat për të rrëzuar qeverinë, kjo është gafa më e rëndë, prandaj ne kemi një listë që mishëron bashkëpunimin si kurrë më parë me qeverinë. Një pjesë e zv.ministra do i kemi në këshill bashkiak dhe ky raport do të mishërohet me praninë e shumë zv, ministrave të re, Rovena Kuko, Besart Kadia. Një skuadër juristësh do jenë në Këshillin Bashkiak, do kemi edhe përfaqësues të biznesit që vijnë nga sipërmarrja. Do kemi për herë të parë përfaqësues të Komunitetit Rom, egjiptjan, për të treguar që nuk është një qytet racist, që nuk i ndan në të ardhur dhe në vendali. Kemi listën me moshën më të re, është nën 35 vjeç. 40 mandate nga 61 në total, që do na jepte mundësinë për të bashkëpunuar me qeverinë, jo për të rrëzuar qeverinë, siç opozita e kërkon”, tha Veliaj./CNA.al





Lajmet e fundit nga