E fundit!

11:41 Aktualitet

Përplasjet me opozitën/ Balla: Partinë e Sali Berishës nuk e pranoj si përfaqësuese të protestës

Kreu i grupit të PS, Taulant Balla pas mbledhjes së Konfer...

"A po iu imiton krimi i organizuar?"/ Rama “përplaset” me Klodiana Lalën

27 Mars 2023, 22:07, Politikë CNA

"A po iu imiton krimi i organizuar?"/ Rama

Kryeministri Edi Rama me gazetaren Klodiana Lala

Kryeministri Edi Rama është përplasur mbrëmjen e sotme me gazetaren Klodiana Lala, teksa kanë diskutuar për sulmin me armë ndaj televizionit “Top Channel”.

Lala e pyeti Ramën nëse e ndjen veten përgjegjës dhe nëse po e imiton krimi i organizuar për shkak të gjuhës që ka përdorur ndaj mediave.

Kjo ka sjellë debat mes kryeministrit dhe gazetares, pasi Rama pretendon se nuk ka folur me gjuhë urrejtjeje ndaj mediave.

Pjesë nga debati:

Lala: A po iu imiton ju krimi i organizuar?

Rama: Më vjen shumë keq se nuk u shpeha dot se iu vazhduar që të mbani një fjalim, nuk kam ndërmend të bëj asnjë polemikë me ju dhe askënd tjetër se jam shumë i neveritur nga kjo jetë politike dhe mediatike.

Lala: Që në momentin që përdorni këtë gjuhë, jetën politike le ta mbajë politika. A ndjehet kryeministri përgjegjës për këtë?

Rama: Nuk keni si të merrni përgjigje kur më ndërprisni. Ja doli tjetër që do pyetje, unë nuk po i përgjigjem dot pyetjes së parë.

Lala: A ndjeheni fajtor për këtë gjuhë ndaj medias?

Rama: Ka një gjë që nuk e negociojë dot që është edukata. Unë kam të drejtën time që t'ju them se ju dezinformuat. Më lër ta shpjegoj. Nëse nuk mund ta shpjegoj ta mbyllë ekranin moderatorja. Sa herë dal në ekran duhet të luftoj për fjalën. Ju po më dëgjoni por më garantoni që të flas deri në fund. Kush ka përdorur tritol ndaj medias?

Lala: Ju nuk jeni i vetmi ka pasur raste të rënda edhe më herët, por për sa kohë që jeni këtu duhet të na jepni shpjegime. Po i bini rreth e rrotull dhe nuk po i shkoni tek thelbi.

Rama: Ti ke folur 4 herë dhe më ndërpret sa herë flas, kjo është jeta e neveritshme për të cilën flas. Nuk e kam përmendur më që nga 2017 fjalën "kazan", kam çuar në riedukim gazetarët e paedukatë. Nuk vë gjoba ndaj mediave. Meqë zonja Lala përmend tritol, media është një gjë dhe bizneset janë një gjë tjetër. Meqë flasim për “Top Channel” tani, po them që pronarët e mediave që kanë biznese të tjera duhet të zbatojnë ligjin dhe nuk ka diskutim se do të gjobiten./ CNA.al