web counter
LEXO PA REKLAMA!

SHKARKO APP

App Store
Google Play

Trafiku dhe ajri i ndotur në Tiranë/ Meta "gjen" zgjidhjen e problemeve

27 Mars 2023, 19:10, Politikë CNA

Trafiku dhe ajri i ndotur në Tiranë/ Meta "gjen" zgjidhjen e

Kreu i PL-së, Ilir Meta, shkruan në rrjetet sociale, se sipas studimeve të fundit të publikuara nga revistat amerikane, tregohet se zhurmat e trafikut shkaktojnë tension të lartë të gjakut. Nëse këto zhurma shoqërohen edhe me ajrin e ndotur, atëherë efektet janë edhe më të rënda.

Meta thekson se Tirana fatkeqësisht i ka të dyja, ndaj plani i kandidatit të koalicionit ‘Bashkë Fitojmë’, Belind Këlliçi, për transformimin rrënjësor të transportit urban, është përgjigja më e fortë në mbrojtje të mjedisit, shëndetit dhe jetës së qytetarëve të Tiranës.

“Trafiku rrugor i rënduar dhe zhurmat e shtuara që shkakton ndikojnë në përkeqësimin e shëndetit.

Studimet më të fundit të publikuara në revistat prestigjoze amerikane provojnë që zhurma e trafikut shkakton tension të lartë të gjakut, sidomos kur ai shoqërohet edhe nga ajri i ndotur.

Tirana fatkeqësisht i ka të dyja, edhe zhurmat e trafikut, edhe ajrin e ndotur.

Ndaj plani i Kryetarit të ardhshëm të Bashkisë, Belind Këlliçi për transformimin rrënjësor të transportit urban është përgjigja më e fortë në mbrojtje të mjedisit, shëndetit dhe jetës së qytetarëve të Tiranës.

Këto do t’i bëjmë realitet pas 14 Majit!

Bashkë Fitojmë,” shkruan Meta./CNA.al





Lajmet e fundit nga