web counter
LEXO PA REKLAMA!

SHKARKO APP

App Store
Google Play

Endrit Shabani tërhiqet nga gara për Tiranën/ Pranon humbjen pa filluar zgjedhjet

27 Mars 2023, 17:31, Politikë CNA
Endrit Shabani tërhiqet nga gara për Tiranën/ Pranon humbjen pa
Endrit Shabani, kreu i “Nismës Thurje”

Endrit Shabani, kreu i “Nismës Thurje”, dikur një nga aktivistët e dështuar të Aleancës Kuq e Zi, i shkolluar me mbështetjen e fondacionit Soros, shpalli kandidaturën për bashkinë e Tiranës vetëm disa javë më parë.

Konkretisht më 28 shkurt, në një intervistë televizive Shabani tha se do të drejtonte fushatën për Tiranën si një alternativë e shëndetshme.

Kështu ai konfirmoi se do të garonte përballë kryebashkiakut socialist, Erion Veliajt dhe kandidatit të opozitës, Belind Këlliçit.

“‘Nismën Thurje’ do ta përfaqësoj unë, do ta drejtoj unë këtë fushatë duke filluar që nga Tirana. E sigurt është që unë si Endrit Shabani do drejtoj fushatën përballë këtyre të dyve (Veliajt dhe Këlliçit) dhe përballë alternativave që ata përfaqësojnë, sepse qytetarët e Tiranës kanë nevojë për një alternativë më të shëndetshme”, u shpreh ai.

Por ndonëse më parë kishte shprehur gatishmërinë për tu bërë pjesë e garës, sot Shabani tha se “Nisma Thurje” nuk do të dalë me kandidat për bashkinë e Tiranës.

Ai deklaroi se partia e tij do të ketë vetëm një kandidat bashkie për Dropullin dhe do të shkojë në zgjedhje për këshilla në 10 bashki të vendit.

“Nuk po u ofrojmë qytetarëve një zgjedhje për kryetar bashkie, sepse në këtë fazë që jemi është e pamundur ta fitojmë këtë garë”, u shpreh kreu i “Nismës Thurje” ndër të tjera.

Kështu Endrit Shabani tregoi se tërhequr nga gara, duke parashikuar edhe rezultatin negativ në zgjedhjet e 14 majit.

Ende pa filluar mirë gara elektorale, Shabani ka zbritur “me këmbë në tokë” dhe ka pranuar humbjen e pashmangshme./ CNA.al





Lajmet e fundit nga