web counter
LEXO PA REKLAMA!

SHKARKO APP

App Store
Google Play

Rama “shigjeton” Veliajn/ PS ka njerëz që për fat të keq i përkasin drejtësisë dhe jo më rrugës së partisë

4 Shkurt 2025, 08:55, Politikë CNA

Rama “shigjeton” Veliajn/ PS ka njerëz që për fat

Kryeministri Edi Rama, sot, në një bashkëbisedim me komentuesit, u është përgjigjur pyetjeve lidhur me drejtësinë.

Ai është shprehur se drejtësia është çliruar nga kthetrat e politikës dhe tani vepron e pavarur si majtas dhe djathtas.

Kryeministri ka shigjetuar edhe Veliajn, ku është shprehur se PS ka njerëz që për fat të keq sot i përkasin drejtësisë dhe jo më rrugës së PS-së.

“Jo që i shmangem, kam shumë për thënë, ka një disktuim të vazhdueshëm, jo u fut ky, jo ai në burg. Këto faturohen si faje apo si përgjegjësi e PS-së. Pa vullnetin tonë nuk do të ndodhte kjo që po ndodh që drejtësia të çlirohej nga kthetrat dhe të veprojë pavarësisht se cilës anë i përket.

Nuk ka ndodhur që të ketë një person politik që të jetë vendosur përpara një drejtësie të pavarur.

Po flasim për institucione të pavarura. Kjo është një arritje e PS-së. Për këtë nuk duhet të diskutohet fare. Ka një parti që lufton për shtet. Si çdo pyll që ka derrat e vet, edhe PS ka në këtë proces njerëz që për fat të keq i përkasin drejtësisë dhe jo më rrugës së PS-së. Por thënë të gjitha këto, sot nuk ka më shumë korrupsion, ka më pak. Nëse do të kishte më shumë korrupsion Shqipëria nuk do të ishte ulur në tryezën e BE-së.

Po të kishte më shumë korrupsion Shqipëria nuk do të ishte e para në rajon për prokurime publike, për tenderë dhe transparencë. Shqipëria është e para. Këtë e thotë Sigma. Nuk diskutohet që korrupsioni është një problem që duhet të adresohet”, tha Rama./ CNA





Lajmet e fundit nga