web counter
LEXO PA REKLAMA!

SHKARKO APP

App Store
Google Play

Këshilli i RTSH-së jep llogari në Komision/ Zhupa: Zbatoni rregullat

3 Shkurt 2025, 11:56, Politikë CNA

Këshilli i RTSH-së jep llogari në Komision/ Zhupa: Zbatoni

Po zhvillohet sot në Kryesinë e Kuvendit seanca e ditës në Komisionin për Edukimin dhe Mjetet e Informimit Publik.

Seanca dëgjimore ka si të pranishëm anëtarët e Këshillit Drejtues të RTSH-së.

Kjo seancë po zhvillohet në lidhje me procedurat që janë ndjekur në përzgjedhjen e kandidaturave për drejtor të Përgjithshëm të RTSH-së. 

Kryetarja e Komisionit të medias, Ina Zhupa, ka theksuar se edhe pse ky Këshill është i pavarur, duhet të japin llogari para Kuvendit që i ka zgjedhur. Më tej, Zhupa kërkoi që procesi i zgjedhjes së drejtuesit të ri të jetë në përputhje me të gjitha rregullat dhe kriteret për kandidatët të jenë të barabarta.

“Nuk jeni të pavarur nga ligji dhe Kuvendi.

Jeni të zgjedhur nga Kuvendi dhe ndaj tij jepni llogari.

Procesi i zgjedhjes së drejtorit duhet të zbatojë rregullat dhe i shërben më mirë platformës së RTSH-së.

E dini se deri më tani Komisioni nuk ju ka ndërhyrë në zgjedhje, por kriteret duhet të jenë të barabarta.

Kriteret ose janë ose nuk janë”, - tha Zhupa.

 

Kujtojmë se, prej disa javësh Këshilli Drejtues i Radio Televizionit Shqiptar po vijon procesin e zgjedhjes së drejtuesit të ri të këtij institucioni.

Ndërkohë, në lidhje me këtë çështje, CNA ka kryer një investigim të gjatë dhe ka denoncuar shkeljet që po ndodhin prej kohësh, përfshirë këtu edhe skandalet e njëpasnjëshme të drejtuesit aktual Leka Bungo./CNA 

https://www.cna.al/aktualitet/shkeljet-ne-garen-per-drejtorin-e-ri-keshilli-drejtuesi-i-rtsh-se-jep-i421835





Lajmet e fundit nga