web counter
LEXO PA REKLAMA!

SHKARKO APP

App Store
Google Play

Protesta kombëtare e 8 shkurtit/ Deputetja Ina Zhupa zbulon detajet

1 Shkurt 2025, 20:26, Politikë CNA
Protesta kombëtare e 8 shkurtit/ Deputetja Ina Zhupa zbulon detajet
Deputetja e Partisë Demokratike, Ina Zhupa

Deputetja e Partisë Demokratike, Ina Zhupa, në një intervistë në një emision televiziv, ka zbuluar detaje nga protesta që opozita do zhvillojë ditën e shtunë më 8 shkurt, në orën 17:00.

Zhupa tha se fokusi i protestës do të jetë para Kryeministrisë dhe jo të shpërndahen në disa pika në Tiranë, siç ka ndodhur në 3 protestat e shkuara.

Zhupa shtoi se një nga shtysat për protestën ka qenë pikërisht dëshmia e dhënë nga ish-zëvendës kryeministri Arben Ahmetaj.

“Kjo protestë vjen si rezultat i dëshmisë së Ahmetaj që tregoi një pjesë madhore të korrupsionit dhe se si organizata kriminale “Rilindja” vjedh e shpërdoron taksat publike duke i bërë qytetarët të jetojnë më të varfër. Dëshmia e Ahmetaj, një nga shtysat për protestën kombëtare. Ne nuk heqim dorë nga kërkesat, edhe për qeveri teknike. Protesta themelin e ka në masivitet, një protestë kombëtare që do të ketë nga gjithë Shqipëria e do të vijën në Tiranë. Nuk do të dalim në disa rrugë, por do të bëhet para Kryeministrisë në bulevardin “Dëshmorët e Kombit”. Për mënyrën dhe kohëzgjatjen nuk duam që t’i zbulojmë paraprakisht, por pika e fortë siç thashë është masiviteti. Do të shihni pjesëmarrje të madhe edhe nga diaspora, sidomos nga vendet fqinje që e kanë edhe më të lehë të vijnë”, tha Ina Zhupa./CNA





Lajmet e fundit nga